¹ १) यो गोठयो न बाद येशु गलीलनी तयाव मंजे तिबिरीयुस नी तयाव नी पार गयो.

² २) अन यक मोठी गरदी(भीड) तीन फसय लागी गय जा आश्चर्यकर्म ( चमत्कार) तो बिमारीसप देखाडु लागो अन ते तिला देखु लाग.

³ ३) अन तव येशु पहाड प चडीन चेलासनी हारी तहा बठनो. ⁴ ४) अन यहुदीसनो फसह नो पर्व (त्योहार) जागज आतलो.

⁵ ५) तव येशु तीना डोया उच करनो अन यक मोडी गरदी (भीड) तीन जाग यता हेरनो अन फिलीपुस ला आखनो " आपु इसन ईसला खावाडवाला कहाथी भाकर लावा ? "

⁶ ६) पन तो ई गोट पारखवाल आखनोल कीसाका तेल सोताल मालुम आताला का तो काय करी सक . ⁷ ७) किलीपोस तेला जवाब देनो बेनसो दिनार न्यो भाकर्यो भी पुराव नाहा का ईमती होगल थोडा थोडा मिइ सकी.

⁸ ८) तिन चेला मती शमोन पतरसनो भावु आन्दिर्यास तेल आखनो,

⁹ ९) यहाँ यक पोर्यो आस जिप पास भाखर्यो अन बेन मांस आस,पन आतला लोकसनी करता ई कायनी पुरा आस. ¹⁰ १०) येशु आखनो लोकसला बसाडी देवा . त्या जागप पक्का चारो आतलो . तव ते लोक गनवाम लगभग पांच हजार जतला मानुस आतल बसी गया.

¹¹ ११) अन तव येशु भाकर लेनो अन धन्यवाद करीन बसनारसला वाटी देवाल देनो . अन ईसज मांसभी तिसला जतला लागु लाग ततला वाटी देनो.

¹² १२)अन जव ते खायन मन भराय गयो,तव तो तिना चेलासला आखनो उरील टुकडा यक जाग करी लेवा, किसाका कायबी फेकवा ना जोय. ¹³ १३) तिन करता ते यक जाग करन अन जे पांच भाकर ना टुकडा जे खानासथी बची रयल आतलं तिनी बारा टोपली भरनं .

¹⁴ १४) तव जा आश्चर्यकर्म ( चमत्कार) तो करी देखाडनो तिला ते देखीन आकु बटा का " तो भविष्यद्वक्ता जो ( दुनिया) म यनार आतलो खरज योज आस . ( मती २१:११)

¹⁵ १५) येशु ई मालुम करीन का ते लोक तेला राजा बनावानी करता पयन थरवाल करी रन स आजु पाहाडप यकलो जातो रनो . ¹⁶ १६) अन जव दिन बुडनो त तीन चेला तयावनी किनार गया .

¹⁷ १७) अन नावडीप चडीन तयावनी ती पार कफरनहुम जावा बटा . अन तो समयला आंधारा होय गयला, अन येशु आजू भी तिसनी जाग नासा मनो .

¹⁸ १८) अन वारावाधुन नी वजयती तयावम लाठ्यो यव लाग्यो . ¹⁹ १९) अन तव जव ते जाता- जाता तिन चार मिल ( ) नी लगभग जात रनं ते त्या येशुला तयावना पानीप चालता अन तिसनी जाग येता देखनं,अन भिवी गया .

²⁰ २०) पन तो तिसला आखनो " हाय आस भिवसा नाहा .

²¹ २१) अन तव त्या येशुला नावडीप बसाडवाल तयार होना अन् तवज ति नावडी तिनी जाग जाय पोसनी जाहा ते जाव लाग . ²² २२) बिसरो दिन ती गर्दी ( भीड) जी तयावनी पार उभं रयली आतली ई देखनी का तहा यक सोडीन यक बी नापनी नावडी कान आतली, अन येशु तिन चेलासनी हारी ति नावडीप कान चळनो पन खाली चेलाज तिम गया .

²³ २३) ( तबु आजु नापन्यो नावड्यो तिबीरियुस थी त्या जागह नी जाग यन्यो, जहा त्या प्रभु ( देव) नो आभार मानीन भाकर खानला . ²⁴ २४) जव गरदी देखनी का याहा नाहा येशु मिय अन नाहा तिना चेला त ते भी नापन्यो नावडीया स चडीन येशु ला हेरता हेरता कफरनहुम पोसली गया.

²⁵ २५) अन तयाव (झील) नी पार पोसीन तिला आखना " हे रब्बी (यहुदी सेवक) तु यहा कव यनो ? " ²⁶ २६) येशु तिसला जवाब देनो" हाय तुमला खर खर आखी रनो आस,तुमू मला इन करता नाहा हेरी रनो का तुमू मला हेरना इनीकरता का तुमू भाकर खायन तृप्त ( धाराय गया) होना.

²⁷ २७) नाशवान भाकर नी करता मेहनत नाह करता,पन तिन भाकर करता जि आनंत जिवन नी करता डर आस,जि मानुस नो पोर्यो तुमला देई, परमेश्वर तिप छाप करी देनो आस . ²⁸ २८) ते तेल आखनं " परमेश्वर न काम करवाल आपु काय करून ? "

²⁹ २९) येशु तिसला जवाब देनो " परम ना काम ई आस का, तुमू तिप जिला तो मोकलनो आस, विश्वास करा . " ³⁰ ३०) अन तव त्या आखना फिरी तु कोनसो चिन्ह देखाड आस जिला हेरीन हामु तुप विश्वास करूत ? तु कोनसा काम देखाड आस ?

³¹ ३१) हामन वाडा-वडील (पुर्वज) जंगलम मन्ना खानला जिसडा निखीला आस खावाल स्वर्ग मती भाकर देनलो." ³² ३२) येशु तिसला आखनो हाय तुमला खरं खरं आखु आस मुसा तुमला ती भाकर स्वर्ग मती नाह देनो पन मनो आबो तुमला खरी भाकर स्वर्ग मती देय आस.

³³ ३३) किसाका परमेश्वर नी भाकर जिप आसका जी स्वर्ग मती उतरीन जगत ( दुनिया) म देय आस. ³⁴ ३४) तव ते तिला आखन , "हे स्वामी ई भाकर हामला कायम देया करज " . ³⁵ ३५) येशु तिसला आखनो जिवननी भाकर हायज स: जो मन जाग यही तो कदी भुख्यो नाह रवाव अन जो माप विश्वास करी तो कवभी तिस्यो नाहा रवाव.

³⁶ ३६) पन हाय तुमला आखनो, तुमू मला हेरी बी लेन आसत, तरूबी विश्वास नाह करत.

³⁷ ३७) जा काय आबो मला देय आस ता होगा मन जाग यही, अन जो कोई मन जाग यही तिला हाय कवभी नाह काडाव. ³⁸ ३८) किसाका मय मनी ईश्छा थी नाह पन मोकलनारा नी ईस्छा पुरी करवान करता स्वर्ग मती उतरनो आस.

³⁹ ३९) अन मला मोकलनारनी ईस्छा ई आस का तो जा काय मला देनो आस तिमती हाय कायबी नाह गमाडु पन आखरी दिनसम तिला फास जिवाडु .

⁴⁰ ४०) किसाका मन आबानी ईस्छा ई आस का जो कोई पोर्यो हेर , अन तिप विश्वास करी तोह आनंत जिवन मिलवी ली , अन हाय तिला आखरी दिनसम फास जिवाडीन उठाडीस . ⁴¹ ४१) अन तव यहुदी तिप कुळ कुळ करवाल लागी गया, इन करता का तो आखनोलो " जि भाकर स्वर्ग मती उतरनी ती हाय आस .

⁴² ४२) अन त्या आखना काय यो युसुफ नो पोर्यो नाह मिय का, तिनं आयाआबासला आपु वयकुत आस ? तो फिरी किसा आख का हाय स्वर्ग थी उतरनो आस. ⁴³ ४३) येशु तिसला जवाब देनो "तुमना तुमना नाहा कुळ कुळ करसा.

⁴⁴ ४४) कोई मन जाग नाह यय सकाव, जाव लगु आबो जो मला मोकलनो आस, तिला खेंची नाह लेय. अन हाय तिसला आखरी दिनसला आजु जिवाडीन उठाडीस.

⁴⁵ ४५) भविष्यवक्ताइ ओसनी लीखलाम ई लिखीला आस, ते होग परमेश्वर (देव) नी गुमती सिखाडील होई कोई भी आबाती वनानो अन सीख ना आस तोह मन जाग यय आस. (यशा. ५४:१३) ⁴⁶ ४६) इ नाहा का कोय आबाला हेरना आस पन जो परमेश्वर नी गुमथी आस, बस तो जा आबाला हेरना आस.

⁴⁷ ४७) हाय तुमला खरं खरं आखु आस, का जो कोई विश्वास कर आस आनंत जिवन तिनाज आस. ⁴⁸ ४८) जिवन नी भाकर हाय आस.

⁴⁹ ४९) तुमन वाडा वडील ( पूर्वज)जंगलम मन्ना खानला अन मरी गयला. ⁵⁰ ५०) ई ती भाकर आस जि स्वर्ग मती उतरनी आस किसाका मनुस तिला खाय अन नाहा मर .

⁵¹ ५१) जिवन नी भाकर जि स्वर्ग मती उतरनी आस ति हाय स . जरकदी ई भाकर मती कोई खाय, तो कायम जिवतो रही. अन जी भाकर हाय जगत ( दुनिया न ) जिवननी करता दिस,ता मना मास आस . ⁵² ५२) इप यहुदी इ आखीन लडाई करी याचना यो मनुस किस काय तिना मास खावाना करता दी स्की ?

⁵³ ५३) येशु तिसला आखनो "हाय तुमला खरं खरं आखु आस जाव लगु मनुस ना पोर्या ना मास ना खावाव अन तिना रंगत नाहा पिवाव, तूमला जिवन नासा . ⁵⁴ ५४) जो मना मास खाय आस अन रंगत पिय आस,आनंत जिवन तिनाज आस. अन हाय आखरी दिन फासो जिवतो करीस .

⁵⁵ ५५) किसाका मना मास हकीकतम खावानी वस्तू आस अन मना रंगत हकीकतम पिवानी वस्तू आस .

⁵⁶ ५६) जो मना मास खाय आस तो मनाम स्थीर बनी रय आस अन हाय तिम . ⁵⁷ ५७) जिसा जिवतो आबो मला मोकलनो आन हाय आबानी वजयती जिवतो आस तिसज तो भी जो खाई,मन वजयती जिवतो रही .

⁵⁸ ५८) जि भाकर स्वर्ग मती उतरनी आस ति ई आस, वाडा वडील ( पुर्वज ) नी मायक नाहा का खानं अन मरी गया, जो कोई इ भाकर खाई तो कायम जिवतो रही .

⁵⁹ ५९) यो गोडयो तो कफरनहुम म यक आराधनालय म शंदेस देवान समयला आखनोल . ⁶⁰ ६०) इन करता तिन चेलासमती खुब जन वनायन आखनं " इ त कठीन सजा आस ; इला कोय मानी .

⁶¹ ६१) येशु तिन मनम इ जानीन का मना चेला इ गोठ वनायन कुळ कुळ करु बटा तो पुसनो काय तुमला ई गोट ती ठोकर लाग आस . ⁶² ६२) अन तुमू मनुसना पोर्याल जहा तो पयल आतलो तहा उपर जाता देखसा त काय होईल ? ( स्तोत्रे.४७:५ )

⁶³ ६३) आत्मा त जिवन देय आस, शरीर ती काय फायदो नाहा. जो गोटयो हाय तुमला आखनो आस त्या आत्मा आस अन जिवन भी आस. ⁶⁴ ६४) पन तुमु मती कतलं इसळ स जे विश्वास नाह करत . किसाका येशुल पयलथी मालुम आतला का जे विश्वास नाह करत ते कोन आस ; अन कोई मला धरावी .

⁶⁵ ६५) अन तो आखनो " इनकरता हाय तुमला आखनोल का जाव लगु आबानी गुमती यो वरदान नाहा देवाम यय ताव लगु तो मन जाग नाहा यय सकाव . ⁶⁶ ६६) इप तिन आवल चेला मुख फिरवी लेना अन तिन बाद तिन हारी नाहा चालना .

⁶⁷ ६७) तव येशु ते बारासला आखनो " काय तुमनाबी जावानो मन होय रन स का ?

⁶⁸ ६८) शमोन पतरस तिल जवाब देना, हेय प्रभु हामु कोनी जाग जावुत? आनंत जिवनन्यो गोट्यो त तुनीज जाग आस.

⁶⁹ ६९) अन हामु विश्वास करनं अन मालुम पडी गया सो का परमेश्वर नो पवित्र ( पाक ) जन तुज आस. ⁷⁰ ७०) येशु तिसला जवाब देनो " काय हाय तुमन बारा जनसला नाह चुनी लेनो मिय का ? तो भी तुमु मती यक जनो शैतान आस . "

⁷¹ ७१) इ तिना शमौन इस्करीयोती नो पोर्यो यहुदानी बाराम आखनोल , किसाका योज जो ते बारा मती आतलो, तेला धरावनारो आतलो.