¹ शेवटी माआ पाऊ प्रभुम आनंद केरा, तुमाल आजी एक दाव लिखु आय काटालो केतो नाहा पेन तो तुमा सुरक्षाकेता हाय. ² तिया कुत्रापे सावध ऱ्या खोटो काम केनारालने सावध रेजा, केवल दैहिक सुता विगीयी तिया लोकाविषयी सावध रेजा. ³ काहाका आपु जे देवाआ आत्म्याकी देवाआ उपास केते, जो ख्रिस्त येशु विषय अभिमान केहे आने देहाप विश्वास नेय थोवणारो तो अपु सुंता वेले हाय.. ⁴ तेबी देहाप भोरोसा थोवा केता एहकी जर बीहराल केडाल वाटतो वेरी ता माल तेहकी जाहखो वाटनारो. ⁵ आय तर आठव्या दिही सुंता वेली आथी इस्त्रायेल लोकामने बन्यामीन जातीमने इब्य्राहा इब्री नियमशास्त्र दृष्टीकी परुशी ⁶ आस्थे विषयी आखा तर मंडळी ई वखो देखावनाारा आने नियमशास्त्रामेने नीतीमत्वा विषयी निर्दोष वेलो एहकी हाय. ⁷ तेबी माल ज्या गोठ्या लाभाआ आथ्या त्या आय ख्रिस्ताकी खाराब एहकी होय जुतालो आथो. ⁸ ओताेच नाहा तर ख्रिस्त येशू माआ प्रभु या विषयी ज्ञानाआ श्रेष्ठत्वाकेता आय बादो काय खाराब होमजु, तियाकेता आय बादो गोष्टीई त्रास केलो आय आने आय तिया केरकचरा लेखु याकेता की माल ख्रिस्त येशु या लाभ मिला जोजे. ⁹ आने आय तियाआरी देखाऊ आने माआ नीतीमत्व माआ सोता नेय तर काहका नियमशास्त्राआ की मिलनारो नीतीमत्व नेय तर ते ख्रिस्तापेने विश्वास काहका देवापने विश्वासाकी मिलनारो नीतिमत्व एहकी रा जोजे. ¹⁰ ई याकेता हा की तो व तिया पुनरुत्थाना आ सामर्थ्याआ व तिया देखाम सहभागी याआ तिया मरणाआ एकरुप वीईन आय वोकात कीन देनारो. ¹¹ काहाका केहेकीबी कीन आय मोलामने पुनरुत्थान मिला जोजे. ¹² मायुय आमीच काय मिलवुला हाय किंवा आय आमीच पुरो वेलाे होय एहकी नाहा, पेन आय जियाकेता ख्रिस् येशुय माल आपु ताबाम लेदो तो आय आपु ताबाम ला जोजे तियाकेता आय तिया फासला लागलो हाय. ¹³ पाऊ आय ते आपु ताबाम लेदलो हाय एहकी नाममे नाहा पेन आय हीज एक गोठ कीहु की फासलाने गोठ्या विहराय जाईन आने आगला गोठीप लक्ष लागवु. ¹⁴ ख्रिस्त येशु पाही देवा जे उचेने निवडुलो तिया सबंधी बक्षिस मिलवाकेता आगला माया्रद वेने निशानी होवे आय दोवडु इज एक माअ काम . ¹⁵ तर जोते आपु शिक्षण लेदलो हाय. तोते ईज चित्तवृत्ती थोवनु आने तुमा एकदी गोठीविषयी गीहरी चित्तवृत्ती थोवी तेबी देव तुम्हाल प्रकट केरी. ¹⁶ याकेता आपु जिया विचाराकी आमी हुद मज्या माऱ्या तियाप्रमाणे आगला चाला जोजे ¹⁷ पाऊ तुमा बादे जाय मा नकल केनारे वेरा आने आमा तुमाल किता पोवी देदे तियाप्रमाणे जे चालता तिया होवे लक्ष द्या. ¹⁸ काहका आय तुमाल कोता तेबी वाऱ्या आखलो हाय आने आमी रडो आने आखतो की, कोतातेबे जा एहकी चाताहा की ते ख्रिस्ताआ वधस्तंभआ दुश्मन हाय. ¹⁹ नाश ई तिया शेवटी डेड ई तियादेवूच तिया की पाणाई तिया होवाय हाय ते जगीक गोठी होवो ऐहकी चित्त लागुवते. ²⁰ आपु नागरीकत्व तर होरगाम हाय तिहने प्रभु ख्रिस्त ओ तारणारो आवनाारो हाय तिया आपु वाट वि रियेहे. ²¹ तो जिया सामर्थ्याकी तो बादोकाय आपु होव केराकता समर्थ हय तिया सामर्थ्याकी तो तुमा आने आमा नीच स्थितीई शरिर आपु गौरवीअ शरीरास खोवेरा जोजे काहकी तियारुपाम केरी.