¹ काहाका मा मोयाला पाऊ आय जिया केता उत्सुक हाय ते तुमा माआ आनंद व मुकूट हाय याकेता माआ मोयाला पाऊ तुमा प्रभुम तेहकीच धिर राखीन ऱ्या . ² आय युवदीयेल विनंती कीहु आने सुतुरवेला विनंती कीहु की तुमा प्रभुम तियाआरी एकबीहरा वेरा. ³ आने हे माआ खेरा हेंगात्या पेन आय तुलबी विनंती हाय की तु या बाईआरी माआरी आने आरापाम व जिया नावे जीवनाआ पुस्तकाम लेखलो हाय ऐहकी माआन मदत केनारे तिया आरी शुभवर्तकानाआ कामा केयो तियाहाल मदत केआ. ⁴ तुमा प्रभुम कायम आनंद केरा फासे आखु आनंद केरा. ⁵ बादा लोकाहाल तुमा सहन केनु शक्ती मालुम वेरा दया की प्रभु आरी हाय. ⁶ केडाबी बाराम कालजी केरा नाहा पेन प्रार्थना आने विनंती कीन आभार मानीन आपु मागणी देवाल आखा. ⁷ काहाका बादे बुध्दीसामर्थ्याआ तिकानी रेनारी देवाआ देदली शांती तुमा अंतकरनाा व तुमा विचार ख्रिस्त येशु आरी रीन राखी. ⁸ ओमा पाऊ फासे ओतो आखु की जो काय खेरो हाय जो काय आदर भाव हाय, जो काय न्याय हाय, जो काय शुध्द हाय, जो केडो प्रशासनीय जोकेडो श्रवणीय, जो केडो सदगुण, जो कडो स्तुती तियापे विचार केरा. ⁹ मापने ज्या गोठ्या तुमा हिक्या व जे स्वीकारीन व मा गोठ्या उनाये व तुमाय वेयो ते तुमा मोनाम थोवा आने शांतीदाता देवा तुमाआरी री. ¹⁰ माल प्रभुम रीन खुप आनंद वेयो आमी तुमा खातुर माकेता कालजी फासे जागृत वेयी. ई कालजी तुमा केतुले आथे पेन तुम्हाल संधी नेय आथी. ¹¹ माल कय कमी पोड्यो तिया केता आय गोगु ऐहकी नाह हाय, काहाका आय तिया परिस्थीतीम संतुष्ट राकेता हिकलो हाय. गरीबी असस्थाम केहकी रेवणु ई आय जाणु हु आने विपुलताम केहकी रेवनु ई बी आय जाहु. ¹² केहकी बी व केहडाबी परिस्थीतीम तृप्त वेराकेता तेहकीज उपास रा केता विपुलतेम रा केता तेहकीज गरजाम रा केता माल शिक्षण देदलो हाय. ¹³ आने माल जो सामर्थ्य देहे तियापेन आय बाठोज केरोकेता शक्तिमान हाय. ¹⁴ पेन माआ दुखाम तुमा सहभाग वेया ई तुम्हाय हारो केयो. ¹⁵ फिलीपैकरा तुमा जाताका की शुभर्वतमानाआ पेलाज जाहाआय मासेदोनियामने देदलो ताहा तुमा शिवाय केल्लीज कंडळी मा आरी देवणु लेवणु बाबतीम माआ भागीदार वेयी नाहा. ¹⁶ आय थेस्स्लनीकाम आथो ताहा तुमाय एकदाव नाह बीहरीदावबी माअ गरज दुरकेई . ¹⁷ आय देणगी अपेखाकेतो नाहा पेन तुमा हिशाबाकी जमाआ बाजु वादा जोजे ऐहकी इच्छा कीहु ¹⁸ पेन माआरी बादोकाय हाय आने विपुल हाय, आने एपफदीया आथाम तुमाय जो मोकल्यो तो माल मिलीगीयोह तियाकी खुब काय वेलो हाय, तो काय एक सुगंध ऐहकी देवाल मान्य व संतोशकारक अर्पण ऐहकी हाय. ¹⁹ माआ देवाआपु संपतीनुसार तुमा गरज ख्रिस्त येशुम रिन गाैरव केता पुरवली हाय. ²⁰ आपु देवपिताल याल युगानयुग गौरव ऐहकी आमेन. समारोप ²¹ ख्रिस्त येशुम बादो पवित्र जाहाल सहाम आखुहू, माआरी रेनारा पाऊ तुमाहाल सलाम आखु. ²² बादे जा पवित्र आने विशषत: कैसराआ कोवाआ तुमहाल सलाम आखुहू. ²³ प्रभु येशु ख्रिस्ताआ कृपा तुमा आत्माआरी रे.