¹ शेवटी माआ पाऊ, प्रभुम आनंद केअरा, तुमाल आजी एक दाव लिखा आय कांटालो केअतो नाहा, पेन तो तुमा रखवाली केअता हारो हाय. ² तिया कुत्रापेने सावध ऱ्या. खोटो काम केअनाराहायने सावधान रेअजा, केवल दैहिक सुंता विइयी तिया लोकाविषयी सावधान रेअजा. ³ काहाका आपु जे देवाआ आत्म्याकी देवाआ उपास केअते, जो ख्रिस्त येशु विषय अभिमान केअहे आने देहाप विश्वास नाय थोवनारो तो अपु सुंता वेअले हाय.. ⁴ तेबी डिलापे भोरोसा थोवा केअता एहकी जर, आपु सोता डिलावर भोरोसा थोवे ताहा बीहराल केडाल वाटतो वेअरी ता माल तेहकी जाहखो वाटनारो. ⁵ आय तर आठव्या दिही सुंता वेअली आथी इस्त्रायेल लोकामने, बन्यामीन जातीमने, इब्य्राहा इब्री, नियमशास्त्र दृष्टीकी परुशी; ⁶ विश्वास विषयी आखा तर मंडळीले वोहखो केअेनारा आने नियमशास्त्रामेने नीतीमत्वा विषयी निर्दोष वेअलो एहकी हाय. ⁷ तेबी मान ज्या गोठ्या लाभाआ आथ्या, तिया ख्रिस्ताकी टोटो हाय एहकी होमजुतलो आथो. ⁸ ओताेज नाहा, तर ख्रिस्त येशु माआ प्रभु या विषयी ज्ञानाआ मोठेपणा की आय होग्गाज काय टोटो होमजु हु. तियाकेअता आय होग्गी गोष्टीई टोट सहन केअयी आने आय तिया गोठीले केरकचरा लेखु ,याकेअता की, मान ख्रिस्त येशु या फायदा वेअरा जोजे. ⁹ आने आय तियाआरी देखाऊ आने माआ नीतीमत्व माआ सोता नेय काहाका नियमशास्त्राआ की मिलनारो नीतीमत्व नाय तर ते ख्रिस्तापेने विश्वसाकी, काहाका देवापने विश्वासाकी मिलनारो नीतिमत्व एहकी राअ जोजे. ¹⁰ ई याकेअताहा की, तो आने तिया पुनरुत्थानाआ सामर्थ्याआ आने तिया देखाम सहभागी याआ, तिया मरणाआ एकरुप वीईन, आय वोहकात कीइन देनारो. ¹¹ काहाका केहेकीबी कीइन आय मोलामने पुनरुत्थान मिला जोजे. ¹² मायुय आमीज काय मिलवुला हाय किंवा आय आमीज पुरो वेअलाे होय एहकी नाहा, पेन आय जियाकेअता ख्रिस् येशुय माल आपु ताबाम लेदो तो आय आपु ताबाम ल्या जोजे तियाकेअता आय तिया फासला लागलो हाय. ¹³ पाऊ, आय ते आपु ताबाम लेदलो हाय एहकी मान्तो नाहा पेन आय हीज एक गोठ कीहु का, फासलाने गोठ्या विहराय जाईन आने आगला गोठीप लक्ष लागवुने, ¹⁴ ख्रिस्त येशु पाही देवा जे उचेने निवडुलो तिया सबंधी बक्षिस मिलवाकेअता आगला हदी निशानी होवे आय दोवडुतो . इज एक माअ काम . ¹⁵ तर जोते आपु डाये हाय, तोतेईज द्यान थोवा जोजे आने तुमा एकदी गोठी बदल बीहरी ध्यान थोवी, तेबी देव तुम्हाल प्रकट केरी. ¹⁶ याकेता आपु जिया विचाराकी आमी हुद मज्या माऱ्या तियाप्रमाणे आगला चाला जोजे. ¹⁷ पाऊ, तुमा होग्गे माही माअ नकल केअनारे व्हा आने आमा तुमाल दाखला दियीन तियाप्रमाणे जे चालताहा, तिया होवे ध्यान द्या. ¹⁸ काहाका आय तुमाल, कोअता वाऱ्या, आखलो हाय आने आमी रडतो आखतो की, कोअतातेबे जाहं एहकी चालताहा का, ते ख्रिस्ताआ वधस्तंभआ दुश्मन हाय. ¹⁹ नाश ई तिया शेवटी, डेड ई तियादेवुज, तिया निर्लजपणा ई तिया होवाय हाय, ते जग गोठी होवो ऐहकी मान लागुवते. ख्रिस्ती नागरिकत्वा स्वर्गाम हाय ²⁰ आपु नागरीकत्व तर होरगाम हाय; तिहने प्रभु येशु ख्रिस्त ओ तारणारो आवनाारो हाय; तिया आपु वाट विअ रिअयेहे. ²¹ तो तीया सामर्थ्याकी तो होग्गाल आपु होव केअराकेअता समर्थ हाय तिया सामर्थ्याकी तो तुमा आमा अशक्त आने नम्र शरील आपु गौरवीअ शरीरा होस बोदली टाकीन तियारुपाम केअरी.