¹ यापने ख्रिस्ताआ पे काय आश्वासन, मोयाआ काय सांत्वन आत्म्याआ काय सहभाग, काय कालावाला आने करुणा ई जर हाय, ² तर तुमा एकचित्त वेअरा, एक बीराप सारखीज मोया केअरा आने एकजीव विइन एकमोनाकी वेअरा, या प्रकारा की माआ आनंद पुरो केअरा. नम्रते केअताआ विनंती ³ आने तुमा विरोधाकी किंवा पोकलो अभिमानाकी काय केरुला नाहा, पेन मोनाकी मोन लागवीन आपुकेअेता एकबीराल मोडो माना जोजे. ⁴ तुम्हा केडोज आपु विचार नाहा केरुलो, तर बीहीराबी विचार केनु हाय. प्रभु येशुअ नम्रता आने त्यागा उदाहरण ⁵ एहकी ख्रिस्त येशुआ मोन आथो तेहेकी तुम्हाप बी राजोजे. ⁶ तो देवाआ सारखो रीअन, तियाय आपु देवा होस राआ केअता ई लाभ हाय एहकी तियाय मान्यो नाहा, ⁷ तर सोताहाल रिअकामो केअयो, काहाका माहा रुपाम वीइन दासाआ स्वरुप धारण केअयो, ⁸ आने माहा प्रकृती एहकी प्रकट वेअयो तियाय सोताहाल लीन केअयो आने तियाय मरण आने तेबी वधस्तंभावने मरण भोग्यो; इहीलुगु आज्ञापालन कीइन तियाय सोता लीन केअयो. ⁹ याकेआता देवाय तियाल होग्गाकेआता उचे केआलो हाय आने होग्गा नावापने श्रेष्ठ नाव तो तीयाल देदलो हाय. ¹⁰ याकेआताका, होरगांम, तोरतीप आने तोरती ऐठा प्रत्येक एक गुडगो येशुआ नावाकी टेका जोजे, ¹¹ आने ई देवाबाहाका गौरवाकेआता प्रत्येक जीभी की येशु ख्रिस्त ओ प्रभु हाय एहकी कबुल केआरा जोजे. सत्शील तारणप्राप्ती पुरावो हाय ¹² काहका माआ मोयालाहा, जे तुमा बादीदाव आज्ञापालन केअते आले, ते तुमा आय जागे रीअया की नाहा तर विषेश कीइन आमी, काहाका आय जागे नेयरीयो, तेबी बीन आने कापीन आपु तारण कील्या. ¹³ काहाका इच्छा केनु आने कार्य केनु तुमापेन हाय आपु केअता हाराकेअता साधीलीन देनारो तो देव हाय. ¹⁴ जो बी काय तुमा केअराहा कुरकुर आने वादविवाद नाहा केअता केअरा; ¹⁵ याकेअता का, या कुटील आने विपरीत पिढीमने तुमा निर्दोष आने निरुपद्रवी देवाआ निष्कलंक पोयरे एहकी वेअरा जोजे; तीया लोकाहामे तुमा जीवनाआ वचन आगला किइन देखवताहा ज्योती होस जगाम देखाताहा. ¹⁶ जीवनाआ वचनाल पालीन मजबूत ऱ्हा, ज्या एहकी वेअयो तर माआ दोवडुनु वाया हाय नाहा आने माआ केअलो मेहनत वाया गिहलो नाहा एहडो अभिमान माल ख्रिस्ताआ दिही हारा केअरा कारण वेअरी. ¹⁷ तुमा विश्वास यज्ञ आने सेवा, वेअरीतेबी आय अर्पिला जायरीअलो हाय तेबी आय तिया बद्दल आनंद मानेह आने तुमा बादाआरी आनंद कीहु;. ¹⁸ आने तियामुज तुमा आनंद माना आने माआरी आनंद केअरा. तीमथ्य ¹⁹ प्रभु येशुम आय आशा कीहु का, माहारीज आय तीमथ्याल तुमाहोवे मोकले काहका, तुमा विषयी गोठ जाईन मान समाधान वेअरी. ²⁰ काहाका तुमा विशयी गोठी खेरी कालजी एहकी, बीहराल केडाल सारखो वृतीई माआपे नाहा हाय; ²¹ काहाका, होग्गे सोता गोठ्या वेअतेह, ख्रिस्त येशुअ होवे वेअते नाहा. ²² पेन तुमा तियाल वोहखयो आने जाअते बी हाय का, जेहकी पोयरो बाहाकाआरी सेवा केअहे, तेहकी तीया सुवार्ताकेअता माआरी सेवा केअयीह. ²³ काहाका माआ काय वेअरी तो देखायाम आवी, तियाल मोकुल्ता आवी ऐहकी आय आशा किहु. ²⁴ पेन आय बी सोता; माहरी आवे ऐहकी प्रभुम मान विश्वास हाय. एपफ्रदीत ²⁵ तेबी माआ पाहु आने मोदत केअनारा होग्गा सैनिक आने तुमाआ प्रेषीत आने माआ गरज मिटीवीन माआ सेवा केअनारो एपफ्रदीत याल तुमा पाही मोकला मान गरज वाटेहे. ²⁶ काहाका तो बीमार हाय इ तुमा उनाले आथे एहकी तीयाल होमजायो ताहा तियाल तुमा बादा कुरकुर लागीन तो चिंताम पोडी गीयो; ²⁷ तो खेरोज मरणापाही आवी गीलो आथो पेन देवाय तियाप दया माया केअयी आने तियापेज ओथा नाहा तर, माल दुखापे दुख वेअरा नेय जोजे ऐहकी माआपेही केअयी. ²⁸ काहाका, मायुय तियाल माेकला जाहखो उतावाल केअयो, काहाका तियाल फासे भेटीन तुमा आनंद केअरा आने माआ दुखा कमी वेअरा जोजे तीया केअता केअयो. ²⁹ यापने पुरो आनंदाकी तुमा तिया प्रभुम स्वागत केअरा ऐहडो मान पान राखा. ³⁰ काहाका माआ सेवा केनुम तुमा आथामने जी कसुर वेअली हाय ती पोय काडा जोजे ताहा ख्रिस्ता सेवेकेअता तियाय सोता जीव अडचणीम टाक्यो आने तो मोता मोता वाच्यो.