¹ आने तिबिर्य कैसराच्या सत्ताम पंधराव्या वर्षा मे, जाहा पंतय पिलात यहुदीया शासना शासक आथो आने हेरोदा चौथा गालील भागा ससाक आथो आने तिया पाऊ फिलीप्प ओ चौथा भागा इतुरीया आने त्राखोनीती इया देशा सअसक आथो आने लुसनिय ओ चौथा अबिलेने इया सअसक आथो. ² फासे हन्ना आने कयफा ऐ मुख्यो याजक आथे, ताहा जंगलाम देवा वचन जखऱ्या पाेयरो योहान पाही आले. ³ तो यार्देन खाडी चोमखीवेअले आखा भागाम पापाहा माफिकेअता पास्तावो केईन बाप्तिस्मा लील्या अेहकी आखातो फिऱ्यो. ⁴ यशया संदेष्ट्या हा पुस्तकाम लेखलो या सारखो ई वेयो; जोगंलाम आखतो फि-यो, एनडो आवाज आलो 'परमेश्वरा वाट तियार केअरा, तिया वाटा निट केअरा. ⁵ "हरएक खाई पोराम आवी, आने हरएक डोगा आने बोड्या सपाट केअराम आवी, वाकडी नीट वेअरी, आने उचनिचा वाट सपाट केराम आवी ⁶ आखो मानव प्राणी देवा आवनारो तारण वेअरी." ⁷ तियापने बाप्तिस्मा केराकेअता आवनारो माहा टोलो योहान आखा लाग्यो; "ओ, विषारी हापडाआ पाेयराह, आवनारो रोगापेने सुटको कीलाकेअता तुम्हाल केडाय सावद केअयो? ⁸ फाेस्तावो केअरा केअता हारो अेहेंडे फोलवे द्या आपु मोनाम ऐहेकी विचार नाहा केअरा का, 'अब्राहाम आम्हा बाहकाहोस हाय; काहाका आय तुम्हाल आखुहु का, अब्राहामा केअता इया दगडापेने पोयरे तियार केराकेअता देव समर्थ हाय. ⁹ आमीज चाडवा थुबाई टोल्यो थोवलो हाय. ताहा तिया केअता कोते तेबी चाडवे जे हारो फोलळे देय नाय ते रोंअडा इन आगीम टाकाम आवी." ¹⁰ फासे टोलामने लोकाही तियाल फुश्यो, "आमा काय केजी?". ¹¹ तियाहाय उत्तर देदो, "केडाप बेन डिलामने पोतडे वेअरी तर केडापे नाहा हाय तियाल एक दिइ देअे आने केडापे अन्न हाय तियाहाय बी तेहेकीज केअरा". ¹² काही जकातदार बाप्तिस्मा केअेरा केअेता ते आल्ला आथा. तियाहाय आख्यो, "गुरूजी आमा काय केजी?" ¹³ तो तियाहाल आख्याे का, तुमाल नेमी देदा तिया ऊपे वादार पोयसा नाहा ल्याहा. ¹⁴ काही शिपायाही सुध्दा विचारकीईने तियाल फुश्यो, "आने आमा बद्दल काय, आमा काय केजी?" तो त्याल आख्यो, "केडापने जोबरीने पोयसा नाहा ल्याहा, केडा बी खोटा आरोप नाहा क्याहा, तुम्हाल मिलेह तिया पगार मे समाधानी ऱ्या", ¹⁵ ताहा ते लोक खुप खुशी की वाटवेरा लाग्या हरेएक जाआ आपु मोनाम ओज ख्रिस्त वेअरी ऐहेकी विचार केरा लाग्या. ¹⁶ तियाय होग्गाल योहानाये उत्तर देदो, "आय तुमाहाल बाप्तिस्मो पायाकी कीऊ, पेन एकजां मा केअताही तो सामर्थ्याशाली हाय तो आवी रीयो आने तिया पागा चापलाहा डोड्या सोडा केअता आय लायकी नाहा हाय, तो तुमा बाप्तिस्मा पवित्र आत्मा कि आने आगी की केअरी. ¹⁷ तिया खोलो एकदम साफ किइन आने गोव तिया बोदडीम थोवा केअता तिया हुपडो तिया आथा हाय, पेन तो कोचरो नेय ओलानारी आगीम सिलगावाम आवी. ¹⁸ योहानाय अेहेड्या कोत्याहा उत्तेजन देनाऱ्या शब्दा की तियाल खोरा होग्गानु सुवार्ता आखी, ¹⁹ योहानाय चौथा भागा इयाअ सरकार हेरोद याआ तियाल हारोज गोठीमे खेचीलेदो काहाका तिया पाऊ कोअवाली आरी हेरोदीया इयो आरी लफडो आथो, तेहेकी तियाय अनेक खाराब गोठ्या केल्या आथ्या ²⁰ ई बाठो किइन सुध्दा तियाय आजी एक खराब काम केयो ते योहानाल कोचोरीम टाक्यो, ²¹ ताहा ऐहेकी वेअयो का होग्गा माहाहाल बाप्तिस्मा योहान आथुकी केअतुलो आथो, ताहा येशु बी बाप्तिस्मा लीइन तो प्रार्थना केअरा आथो ताहा वादलो ऊगडी गेहलो ²² आने पवित्र आत्मा देहरूपाम कबुतरा सारखो तियाऊपे ऊती आलो आने वादलाम मे ऐहेकी आवाज आलो की, "तु माआ मेरालो पोयरो हाय आय तोपे खुप खुश हाय", ²³ ताहा येशुय तिया सेवाकार्यल चालु केअयी ताहा तो तीस वोराहा आथो, लोक तियाय योसेफा पोयरो होमजे. योसेफ एली पोयरो आथो, ²⁴ एली मत्ताथाआ, मत्ताथा लेवी, लेवीआ मल्खी, मल्खीआ यत्रया, यत्रयाआ योसेफआ पोयरो आथो. ²⁵ योसेफ मतिथ्याआ पोयरो आथो. मतिथ्या अमोसाआ, अमोंस नहुमाआ, नहुम हेस्लीआ, हेस्ली नग्गयाआ ²⁶ नग्याय महथाआ, महथ मत्तिथ्याआ, मतिथ्य शिमयीआ, शिमयी योसेखाआ, योसेख योदाआ पोयरो आथो, ²⁷ योदा योहानाआ पोयरो आथो. योहान रेशाआ, रेशा जरूब्बाबेल, जरूब्बाबेल शल्तीएलाआ शल्तीएल नेरीआ, ²⁸ नेरी मल्खीआ, मल्खी अद्दीआ, अद्दी कोसोमाआ, कोसोम एल्मदामाआ, एल्मदाम एराआ, ²⁹ एरयेशुआ,, येशु अलिएजराआ, अलिएजरा योरीमाआ, योरीम मत्तथाआ, मत्ताथा लेवीआ पोयरो आथो. ³⁰ लेवी शिमोनाआ पोयरो आथो. शिमोन यहूदाआ, यहुदा योसेफाआ, योसेफ योनामाआ, योनाम एल्याकीमाआ, ³¹ एल्याकीम मल्याआ, माल्या मिन्नाआ, मिन्ना मत्ताथाआ, मत्ताथ नाथानाआ, नाथान दाविदाआ, ³² दाविद इशायाआ, इशाय ओबेदाआ, ओबेद बवाज सल्मोनाआ, बवाज सल्मोनाआ, सल्मोन नरशोनाआ पोयरो आथो. ³³ नरशोन अम्मीनादाबाआ पोयेरो आथो, अम्मीनादाब अदामीनआ, अदामीन अर्णयाआ, अर्णय हेस्रोनाआ, हेस्रोन पेरेसाआ, पेरेस यहूदाआ, ³⁴ यहुदा याकोबाआ, याकोब इसकाआ, इसहाक अब्राहामाआ, अब्राहाम तेरहाआ, तेरह नाहोराआ. ³⁵ नाहोर सरूगाआ, सरूग रऊआ, रऊ पेलेगाआ, पेलेग एबराआ, एबर शेलहाआ पोयरो आथो. ³⁶ शेलह केनानाआ पोयरो आथो, केनान अर्पक्षदाआ, अर्पक्षद शेमाआ, शेम नोहाआ, नोहा लामेखाआ, ³⁷ लामेख मथुशलहाआ, मथुशलह हनोखाआ, हनोख यारेदआ, यारेद महललेलाआ, महललेल केनानाआ, ³⁸ केनान अनोशाआ, अनोश शेथाआ, शेथ आदामाआ, आदाम देवाआ पोयरो आथो.