¹ एक शब्बाथ दिहा दिही परुशी अधिकाऱ्या एका कोअ मांडो खा खातोर गेहेलो. ताहा तिही टोलवाला माहा तियाय येशुप नोजर थोवला आथा. ² आने तिही तिया हुंबर डेड फुगालो माहु आथो, ³ येशुय नियमशास्त्रा हीकवुनाराहाल आने पारुश्याल फुच्यो शब्बाथ दिही हारों केअनु नियमशास्त्राम हारो हाय का नाहा? ⁴ ते ठाकाज रीया. पेन येशुय ती दुखी माअहाल उच्चे आथ थोव्यो आने तियाल हुदराव्यो आने तियाल मोकली देदो ⁵ फासे तियाहाल आख्यो तुमाहा मेने केडा बी पोयरो नेअता बोइल हाय तो वेअयीम टुटी पोड्यो ता शब्बाथ दिहा दिही तुरूतुज बारे काडनारा नाहा का? ⁶ ताहा तियाहान तिया प्रश्ना उत्तर देता नाहा आलों. ⁷ ताहा, हादला लोक मोड मोडा जागा केहेंकी नीवडी लेताहा, तो वीइन तियाय तियायहान एक दाखलो आख्यो, तियाय आख्यो ⁸ जाहा एगाहाय तुमाहाल वोराडाम हाद्यो, ताहा मोडा जागाप नाहा बोहोव काहका तुमा पनो मोडा हारा माहा लाल तियाय हादयो वेरी ⁹ पेन तियाय तुमा बेनी महाल हादलो हाय तो आवी आने तुमाहाल आखी, इयाल इही बाहा जागो दे. ताहा नाजवायन तुमाहाल ऐठाहा बाहा पोडी. ¹⁰ पेन तुल हादयो ताहा फाचाडी जागाप जायन बाहा जोजे, ताहा तियाय तुल हादलो तो आवीन तुल आखी हेंगात्या, आगाडी आवीन बोहो ताहा तो आरी आल्ला तोहाे हुबंर तुल मानपान मिली. ¹¹ काहाका जो केडो सोताहाल मोडो की तो एहेंकी होमजी तियाल तो हानो बोना वीइ. ¹² फासे जियाले हादलो आथो तियाल तो आखेहे, "तु जाहा दिहा नेअता वाती वेल मांडो खा हादों हो ताहा तो हेंगात्यहान, पावाहान, जातुलाहान नेअता पोयसा वाल लोकाहान नाहा हादोहो काहका तुल फासे ते तुल हादी एहेकी तुल तोअ वालनो वाली देनारे. ¹³ पेन तु जाहा लोकाहान मांडो खा खातोर हादोहाे, ताहा गरीब, तुला, लेंगडा आने आंदला माहान हादजे ¹⁴ ताहा तु आशिर्वादीत वेअहो काहका तियाहावे तुज वालनो वाली दां खातोर कावीज नाहा. पेन धर्मीलोक फासे जीवी उठी ताहा तुल तिया मोजरी मिली." ¹⁵ फासे तियाहा आरी मांडो खा बोठला लोकांहा मेने एका जाहांय ए गोठ्या उनायन येशुल आख्यो, "जो देवा राज्याम मांडो खाई, तो एक एक माहु आशिर्वादीत हाय." ¹⁶ फासे येशुय तियाहाल आख्यो एक माहु मोडा मेजबानी खावावा खातोर तीयारी केअयी आने तियाय खुब लोकाहान हादला ¹⁷ मांडो तीयार वेअयो ताहा तियाय तिया एका सेवकाल जियाहान मांडो खा हादला तियाहान चाला बाठों तीयार हाय एहेकी आखा मोकल्यो. ¹⁸ ताहा ते बादा बाहानो काडीन एहेकी आखा लाग्या, एकात तियाल राव्या किइन आख्यों, 'माय खेत वेचातो लेदोहो आने मान जायन तो वेरा जोजेहे मान माफ केअजे.' ¹⁹ बीहीरो आखा लाग्यो, माय बोयला पाच जोडा वेचात्या लेदयाहा आने तियाहाल माय पारखा चाल्यो हो मान माफ केअजे.' ²⁰ आजी तिसरो आखा लाग्यो, "माय वोराड केअयो हो आने तिया खातोर माय नाहा आवा.' ²¹ तो नौकर फासे आलो आने तियाय त्या मालकाल ए गोठ्या आख्या. फासे कोअवा मालकाल रोग आली आने तो नौकराल आख्यो, "बाहरे रोसताप आनो नगोरामेने, गोल्ली मेने गोरिब ,आंधला, लेंगडा माहान मा इही लिइ आव! ²² नौकराय आख्यो, मालक तुयु जेहेकी आख्यो तेहेकी माय केयो आने ते बी आजी जागा रिकाम्याज हाय', ²³ मालकाय नोकराल आख्यो, 'सोडकीप जो आने खेताहाम बी जायन लोकाहान राव्या की मा कोअ माजम आवा आखजे तियाले मा कोअ पोराय जांय. ²⁴ काहाका आय तुमाहान आखुहु, जियाहान मायुय मांडो खां हादले तियाहा मेने एकाल बी मांडो साकी वेअराम नाय मिलनारो." ²⁵ फासे खुब लोक येशु आरी जाहाला ताहा तो फाचाडी फिरीन तियाहान आखेहे, ²⁶ जो केडो बी मा इही आवी तो तिइया याहाकी-बाहाका, थेय, पोयरा, पाहु, बोअयी आने तिइया सोतहा जीवाप मासे वाद प्रीती केअहे तो मा चेलो नेय वेनारो, ²⁷ जो केडो बी तिया सोताहा क्रुस खांब लीइन मा फाचाडी नाहा आवतो तो मा चेलो नाहा वी सेकतो. ²⁸ जोर तुमाहामने केडाल बुरूज बांधा वेरी पअेलो बोहीन खोरचो अंदाज पुरो केरा तियाय पोयसा हाय का नाहा इ वेनारो हाय का नाहा? ²⁹ नेअता जर पायो बांदीन तियाल पोंगो पुरों नाय केअता आलो ता वेनारा माहा तिया निंदा कीइन आखी ³⁰ इया माहाय पोंगो बादतुलों पेन इयाल तो पुरो नाहा बांदायों! ³¹ एहेंडो एगदो राजो हाय तो बिहीरा राजा आरी लोडाई केअेरा पेअला बोहिन विचार नाय केअनारो का? मापे दाहा हाजार सैनिक हाय इयाहा कि जो मा आरी लडनारो राजो हाय तिइयापे विस हाजार सैनिक हाय तियाहा आरी लडाय केअता आवी का नाहा? ³² जर तो तियाहाल लडी नाहा सेकतो, ता तिया दुस्मन जाव ते दूर हाय तांव तिइया निरप्यो मोकलीन होमजावीन ठाको वीन गोगा सुरूवात कि दी. ³³ इया रितीकी तुमामेने बी जो केडो होग्गी मिलकत नाय सोडतो वेरी ता तो मा चेलो नेय वेनारो. ³⁴ खारों इ खुब हारी वस्तु हाय, पेन खारा मेने चोव जाती रीयी ता फासे तिइया चोव केहेंडाहा की लीइ आवनारा? ³⁵ तो तोरतील खोता खातोर बी कामा नाहा माहा तियाल बारे फेकी दी जिइया उनानु खातोर कान हाय तो हारकी उनाय ले."