¹ प्रत्येक यहुदी महायाजक निवड लोकामने वेअहे आने लोका होवेने तिया पापा वाटे यज्ञ आने दाने ई बेनी देवाय अर्पन केरा जोजे तीया कामुवाटो महायाजक नेमलो रेअहे. ² जे चुका केअते आने जीयान होमजोता नाहा तीयाआरी प्रत्येक मुख्य याजक सौम्यपने रीयअकेहे काहाका तो सोता दुर्बल रेअहे. ³ आने त्या दुर्बलपना की तीयाय तिया पापावाटो तेहकिज लोकाहा पापावाटो अर्पण केलो जोजे. ⁴ आने केडोज मुख्य याजकपना मानपान सोता तिया ली शकतो नाहा, पेन अहरोनाला आथो तेहकी देवायने हादुलो जरूर हाय. ⁵ जेहकी, ख्रिस्ताय महायाजक वेरुला गौरव सोतापाय तियाप लेदो नाहा, पेन देवाय खिस्ताल आख्यो “तु मा पोयरो हाय आज मायु तुल जल्मो देदलो हाय." ⁶ बीहीरा शास्त्रा भागाम तो एहकी आखे का, "मलकीसदेका संप्रदायाप्रमाणे तु युगानुयुग याजक हाय". ⁷ येशुय तिया देहा दिहाम देवाही खुप जोरपे बोमलीन आने रोडीन प्रार्थना आने विंनती केई. जो देव तियाय मोअलामेन्यु वाचवी शकतलो आथो आने देवा विषयी तिया खुब मानपाना वजेसे येशु प्रार्थना ऊनायाम आली. ⁸ तो देवा पोयरो बीआथो, तेबी जीयाय जो दु:ख सोताय लेदो तीयाय ने तो आज्ञा धारकपना तीयाय हिक्यो. ⁹ आने फासे तीयाय परीपुर्ण वेयो ताहा हाती जो तीया आज्ञा पालेहे तीया खातोर सार्वकालीक तारणकर्ता तो वेयो. ¹⁰ तीया पासे मलकीसदेका संप्रदायाअ अनुसरीन देवा होवेने तो महायाजक होमजीन नियुक्त वेयो. ¹¹ ईया विषयी आखुला सारखो खुप हाय, पेन तुमान तो होमजा खुप कढीन हाय काहाका तुमा ऊनायाम खुब मंद वेला हाय. ¹² आमीलुग तुमा शिक्षक वेरान जोसतला, देवा शिक्षणा प्राथमिक धडा आजी तुमान केडाय तेबी हिकवुला तुमान गरज हाय. तुमान दुधा गरज हाय, जड मांडा नाहा ऐहकी तुमा वेले हाय. ¹³ काहाका जो केडो आजी बी जो दुधापेज रेहे तो नितीमत्वा वचना की जो मजबुत नाही हाय, काहाका तो आजी हानो पोयरोज हाय. ¹⁴ पेन जीयान ज्ञानेंद्रियान वाईवाटी की हारो आने खोटो पारक केअेरा खातोर सराव वेअलो हाय अेहेडा प्रौढां खातोर जड मांडो हाय.