2 (२) येहदीन हिकाडनारा एने फारिसी पोंथवाला मुसान गांदीपोर होक हाते बोठा रोयाह 3 ।(३) कोरिन तिदरी आखी हिक तुमूह माननेन जोरुडी से पुण तिंदरे होस काम जुण कोरता काहाके च्या कोयतलाते खोरा पुण तोहलो कोरता नी । 4 (४) च्या मामले ओहलो से ज्या खुब वोजु बादिन माणहोन खोदापर मेकतला बाकीन च्या माणहोन बाजु ली जाणेन कोरता तिंदरे आंगुव बी टेकवणे नी हुतल्लु। 5 ५) ज्या तिदरा आखा कामे माणहोह देखाडणेन कोरताज से च्या ताविज चोवडो कोरीन तिंदरा आथोमा बांदतला एने तिदरे लुगडान गुमसा नाबा कोरतला । 6 (६) एने पोगातमा एने बोकतीन गोरमा खास जागापोर बोठणे तिनुह पोटतलो 7 ।७) बोजारमा माणहे तिनूह इज्जुत आपणु एने गुरु कोयडावणे हुतल्ला । 8 (८) पुण कुण बी तुमूह गुरु नी कोयणु जुवे काहाके बोगवान तोतरुज तुमरु गुरु से एने तुमु आखा बायह बोणहान होस से।
9 (९) एने दोरतीपोर कुणीह बी बाबा कोरीन जुण बुलाडता काहाके तुमरु एकुज बाबु से च्यु सोरगोमा से ! 10 १०) एने कुण बी तुमूह मास्तर नी कोयणु जुवे काहाके तुमरु एकुज मास्टर से एने च्यु मोसी से 11 (११) तुमरामा ज्यु आखा दोखु मोटु से च्यु दिहरान पावोर बोणीन तिदरी सेवा कोरनु जुवे।
12 १२) तुमरामा ज्यु कुण सोताहा मोटु सोमजे बोगवान तिनाहा आयतु बोणाव देहे एने ज्यु सोताह आयतु सोमज बोगवान तिनाहा मोटु बोणाव देहे। 13 (१३) ए डोगडा कोरनारा फारीसी पोंथवाला एने येहुदी नेम हिकाडनारा मास्तरो तुमु पोर खुब विखु आवहे तुमु माणहोन विरोध मा सोरगेन राजो ने जुपु बंध कोरतला से सोरग राजोमा तुमु बी नी जातला एने दिहराह बी नी जाणे। देतला।
14 (१४)ए फारीसी पोथवाला एने येहुदी नेम हिकाड नारा मास्तरो तुमु खुब ढोंगडा कोरतला तुमू रोडयला बायरान गोरमा बोरायीन तिनुह दोकु दिन ठोग देतला एने तिंदरा पोयहा खाय लेतला तुमु दिहराह देखाडनेन कोरता नांबी पोरथना कोरतला कोरीन बोगवान ओहला माणहोह खोतरनाक डोंड आपहे 15 ।१५) ए ढोगडा कोरनारा फारीसी पोथंवाला एने येहुदी नेम हिकाड नारा मास्तरो तुमु पोर खुब दुःख आवहे तुमू एक जोणोह तुमरा पोथंमा लावणेन कोरता वारुज दोरीया उनकीन दोरतीपोर फिरतला तिनाह तुमरा पोथवाला बोणाव देतलाते तुमू धोखा बी तिनाहा दुय गुणा नोरकोन आगठामा जाये ओहलो बोणाव देतला । 16 १६) ए आंदवा ओगोवाण्या तुमू पोर खुब दुःख आवहे तुमू माणहोह एहे हिकाडतला तुमू बोगवानोन मोंदिरोन सोप्पत खाये ते तिनामा कायीज निबं पुण कुण बी मोदिरो मायला हुनान सोप्पत खाये ते तेरी वात बादाय जाहे।
17 (१७) ए वीन ओकलीया आदवा तुमू मेहे कोयजु काय मोटो से हुनो से के ने ते हुनाक सुखलो कोरनारो बोगवानोन मोंदिर। 18 (१८) उजू एहे हिकाडतला जोर तुमू मेहे बोगवानोन मोंदिरोमा दान मेकणेन उटलान सोप्पत खाये ते कायीज निंब पुण तुमू उलटापोरला बेटन सोप्पत खाये ते बांदाय जाहे । 19 १९) ए आदवा तुमू नी जाणतला के बेटे दोखु बोगवानोन मोंदिरमा बादा चोडावणेन उलटू पवित्र से। 20 २०)कोरीन तुमु बोगवानोन मोदिरोमा बेट चोडावणेन उटलान सोप्पत खातला ते तिना उटलापोर आखा बेटोन बी तुमू सोप्पत खातला।
21 (२१) एने जेतार तुमु मोदिरमा सोप्पत खातला ते बोगवान ज्यु च्याहरी रोयतलु तेरी बी सोप्पत खातला। 22 २२)एने जेतार तुमू सोरगोन सोप्पत खातला ते तुमू बोगवानोन राज गादिन एने तिनापोर बोठणारा बोगवानोन बी सोप्पत खातला। 23 २३)ए ढोगडा कोरनारा फारीसी पोथंवाला एने येहुदी नेम हिकाडनारा मास्तरो तुमु पोर खुब दुःख आवहे कहाके तुमू बोगवानोन पुदिना बोरयावी एने जिरान लोगोण दोसवू वाटु आपतला पुण बोगवानोन नेममा रीती दोखा नियाव दोया एने बुरहु ओहली खास वातोह टाव देतला होवे दोसवु वाटु आपणेन हाजी वात से पुण भोगवानोन नेमोन काय लेखलो च्यो बी तुमु पावणु जुवे।
24 (२४) ए आंदवा ओगोवाण्या तुमू चाचडयाहा ते जार देतला पुण उटडाहा गीव जातला। 25 २५)ए ढोगडा कोरनारा फारीसी पोथंवाला एने येहुदीन नेम हीकाडनारा मास्तरो तुमु पोर खुब दुःख आवहे तुमू वाटव्या एने थाव्या। उपोर उपोर मोहडतला पुण मायता खुब खोराब विचारोन बोरायलो से ।
26 (२६) ए आंदवा फरीसी पोथवावा पेल तुमु वाटवव्या एने थाव्या माय दोखा उजाव लेवू तेतार आखो उपोर बी उजवो ओय जाहे । 27 २७)ए ढोंगडा कोरनारा फारीसी पोथंवाला एने येहुदी नेम हिकाडनारा मास्तरो तुमु पोर खुब विखु पाोडहे तुमू मोटयान होस से च्यो उपोर उपोर चुना कोरीन रोंगलो एने च्यो बारथे होबतो,देखायतलो पुण तिना मोटयामा मोरला माणहोह आटका एने सोडलो नाहा बारायलो से। 28 २८)तेरे उपोर तुमू बी माणोहो ने ने नोजोरमा दोरमी कामे कोरनारा ते देखायतला पुण मायता तुमू खुब ढोगडावा एने खोराब से । 29 (२९) ए ढोगडा कोरनारा फारीसी पोथंवाला एने येहुदी नेम हिकाडनारा मास्तरो तुमु पोर विखू पोडहे काहाके तुमु बोविस्य कोयणारान कोरता फोसा मोटटया बोणावतला एने दोरमी माणहोन मोटटयाह होबाडीन तुमू इज्जत कोरनेन ढोगडा कोरतला। 30 30. एने तुमु कोयतला आमु आमरा डायडायान टेमे रोयताते ज्या माणहे बोविस्य कोयणाराह मारला तीनुह आमु सात नी देता।
31 31. पुण तुमु एहे कोयन तुमू सोतान विरुद्धमा पुरावु आपतला के आमु बोविस्य कोयणारानूह मारनारान पुरया से । 32 ३२.कोरिन तुमरा डायडायान खोराब कामोह तुमु बी बोरी देवु।
33 ३३. तुमू गोडाहान से एने गोडाहान पिला से तुमु नोरकोन आगठामा दोखा केहे काय वाच सेकतला । 34 34. कोरिन देखू मी तुमु पाह बोविस्य कोयणारानूह एने ओकलोक वालानुह एने मुसान नेम हिकाडनाराह मुकलीही पुण तुमु तिनुमायला थुडाक जोणाह मार नाखहोत थुडाकोह क्रुस पोर चोडाविस मार नाखोहत थुडाकोह तुमरा बोकतीन गोरमा। चोपकडा देहोत एने थुडाकोह एक गाव दोखा दिहरा गाव मां वालहोत । 35 35. तितेरमा दोरमी हाबील दोखो ते बारक्यान ने पुरयु जोकरयाहोह चाहोह तिनुह मोंदिर एने उटलान विस्मा मारलु ओता जोतरा बी दोरमी माणहे ओता तिनुह मारिन लुय वोयाडला से इनु आखान कोरता बोगवान तुमुह दोंण्ड आपहे 36 ।36. मी तुमुह खोराखोर कोयतलु इंदरो आखान मोतोन डोड बोगवान इनी पीडीन माणहो पोर लावहे। 37 37. ए यरुशलेम ए यरुशलेम तुमु बोविस्य कोयणारानुह मारीन जिनूह बोगवान तुमु हाते मुकोल्लु ओतु तिनुह डोगडाटीन मारला एने कोतरीवार मी जेहे कुकडी तेर पिच्चानुह तेर फाकडान नेची वाचाडने नी देण्या।
38 38. देखु एवी बोगवानोन तुमरा येरुशलम मोंदिरोह सूड देहे।
39 39. मी तुमुह कयतलुह के एवी दोखा जाहालोगोन तुमु मार बाराम ज्यु पोरबुन नावोन आवतलु च्यु तोकदिर वालु से एहे नि कोयहे ताहा लोणोम तुमु मेहे फोसा नी देखोत।