Marvin_Rodriguez-mch_gen_text

5 ¹ Edää yää Adan atöödö etöcomo imennajä yaawä Wanaadi dhanwa amoode'nä daawä tönönge cönamodenäi. ² Dhanwa cönamodenäi,wodi mmaja ashichato cönnöi chäjäcäiñe sotooje tönaamode'nädö cöne'täicho yaawä. ³ Adan cönäjacä 130 wedu inñedö Set cönennua'dawä, tumö nönge töwö cönä'jaacä. ⁴ Set wenujeje 800 wedu Adan nudä cönäjacä, cönennecaichea yaawä dhanwacomoje, wodiñamoje mmaja . ⁵ Adan nudä cönäjacä 930 wedu, cönämai yaawä. ⁶ Set cönä'jaacä 105 wedu inñedö Enos cönennuadaawä. ⁷ Yää jeje Enos wennu'jeje 807 wedu Set nudä cönäjacä,cönennecaichea yaawä dhanwacomooje wodiñamoje mmaja. ⁸ Set nudä cönäjacä 912 wedu, cönäämai yaawä. ⁹ Enos cönä'jaacä 90 wedu iinñedö Cainan cönennuadawä. ¹⁰ Yä'jeje Cainan wennu'jeje, Enos nudä cönäjacä 815 wedu, cönennecai chea yaawä dhanwacomoje, wodinñamoje mmaja . ¹¹ Enos nudä cönä'jaacä 905 wedu, cönämai yaawä. ¹² Cainan cönäjacä 70 wedu iiñedö Mahalaleel cönennuadawä. ¹³ Yääjeje Mahalaleel wennu'jeje Cainan nudä cönä'jaacä 840 wedu cönennecai chea yaawä dhanwacomoje wodiñamoje mmaja. ¹⁴ Cainan nudä cönäjacä 910 wedu, cönämai yaawä. ¹⁵ Mahalaleel cönäjacä 65 wedu iiñedö Jared cönennuadä wä. ¹⁶ Yää'jeje Jared wennu'jeje Mahalaleel nudä cönäjacä 830 wedu. cönennnecachea yaawä, dhanwacomoje wodiñamoje mmaja. ¹⁷ Mahalaleel nudä cönä'jacä 895 wedu cönämai yaawä. ¹⁸ Jared cönä'jaacä 162 wedu iiñedö Enoc cönennua'dawä. ¹⁹ Yää'jeje Enoc wennujeje Jared nudä cönä'jacä 800 wedu cönennecachea yaawä dhanwacomoje wodinñamoje mmaja. ²⁰ Jared nudä cönä'jacä 962 wedu cönäämai yaawä ²¹ Enoc cönä'jacä 65 wedu inñedö Matusalén cönenua'dawä. ²² Ñäädä Enoc Wanaadi woije töweiye cönäjacä yeichöje, Matusalén wennujeje Enoc nudä cönäjacä 300 wedu, cönennecaichea yaawä dhanwacomoje wodinñamoje mmaja. ²³ Enoc nudä cönä'jacä 365 wedu. ²⁴ Wanaadi woije yeijödö weijäcä, ääma'dä töwö cöneiyacä, töwwännanö'e mma cönännamjöi wanaadi wä adä'jödö weijäcä. ²⁵ Matusalen cönä'jacä 187 wedu iñedö Lamec cönennua'daawä. ²⁶ Yää' jeje Lamec wennu'jeje Matusalén nudä cönä'jacä 782 wedu cönennecaichea yaawä dhanwacomooje wodinñamooje mmaja. ²⁷ Matusalén nudä cönä'jacä 969 wedu, cönämai yaawä. ²⁸ Lamec cönä'jaacä 182 wedu inñedö dhanwa cönennua'dawä. ²⁹ Noe je töwö tönnedö cöne'täi, cönä'döaacä: "Wanaadi edä nono cunyunaacai yääje yeijäcä jooje cöwäntunamjödöcomo que cäwanshiñöcomo queejodöato, yaawä'ne; mädhä mude'cäcä cöwäädetato'como nejodöa'de", que cönä'döaacä Lamec tönnedö Noe ecammacädä. ³⁰ yää'jeje Noe wennujeje, Lamec nudä cönäjacä 595 wedu, cönenncaichea yaawä, dhanwacomoje, wodiñamoje mmaja. ³¹ Ñädä Lamec nudä cönäjacä 777 wedu, cönämai yawä. ³² Noe cönä'jacä 500 wedu iñacomo cönennuatodawä, ñanno Sem, Cam mmaja, Jafet mmaja.