Marvin_Rodriguez-mch_gen_text

4 ¹ Dhanwa cönnöcöi töjiñamo Eva acä wodi cönwensutai cönennui yaawä Cain wodi cönädöaacä niñencadö na danwa wanaadi niwatadöque. ² Yää jemaja cönennuchai dacono Abel da'ja yawä Abel cönädöi oveja edajotoncomoje Cain mane cönetadawacacä nono jacä. ³ Cönejadäacä yawä numa yeije Cain cönnejä tönnätötädö ejedödö dhame ofrendaje tödödö wetä wanaadi wä. ⁴ Abel daja quene cönnejä awadeto wennuajä täcönö tönedachädo inñataje tönenemadö towö wanaadi cönajoi Abel ofrenaichödö mmaja. ⁵ Cain mane iyää ofrenda iñödö, towö anajäi'cha cöneiyacä mädäje Cain cöcäjacö joje töwätöma täniyude cönäjacä. ⁶ Towö wanaadi cönädöacä Cain wä ¿anecotojo ca töwotäma manä täniyude mmaja?. ⁷ Ashicha awä tödöajäcä ¿anajächa cä eichö weiya? coneda awä tödoajäcä mane conemjönöjemma na yawä amädämma chonecasemma yawä yawäne amädä ma awantañajai ma. ⁸ Cain cönadewöi tacono Abel wä yäätä cönejadäadawä tönwanno cöcäjato adaja aca Cain cönammäi tacono Abel wadödä cönemai yawä. ⁹ Yääjemma yawä töwö wanaadi cönadewöi Cain wä ¿Ashicha adhacono Abel nai? towö cönödöacä yowanöcäda ¿Öwö ne ñädä yacono edachäne? ¹⁰ Töwö wanaadi cönädöacä ¿Anecämö ca mödöi? adacono aquiyö yadeja nono de'wonno . ¹¹ Eduuwa mane emajödöje ma nono dewä äntadö maducaichö äwä ajäichö wetä adamädöque adacono acöquiyi . ¹² Yaawä awä ñatötädawä nono dewä, edä jonno mane töwö awö ontuda nade töjodudu yanejea'jä inñanmodoto je made nono dewä. ¹³ Cain cönädöacä wanaadi wä yentunmanjödö adaijödeja nadea öwä adädö etode. ¹⁴ Chänönge mmaja yawä amäädä cöjacanujoi edä anto edä nono jonno öwö mane wotonetade wade ojonno öwö wade yäne jeajö iyamotoje nono dewä ñädö yedantadedö yemade. ¹⁵ Töwö wanaadi cönädöacä ñädä Cain nemadedö , ñädä jäcö nejadöade acä anooto dewä chuseijadö yawä wanaadi cönnadacañai Cain jäcä enejutojoje aneja wä edantajäcä ñäädä sooto amanmämchade yeichö wetä. ¹⁶ Madäje Cain cöntömä wanaadi jonno nudä cönäjacä Nod nono dö dewä Eden wötödö. ¹⁷ Cain cönnöcöi töjinñamo acä töwö wodi cönwensutai wodi cönenuchai yawä Enoc ,Cain cönajontäi jata cönetäi yawä tönnedö etöjöi Enoc. ¹⁸ Enoc cönennacai cönenui yawä Irad, Irad cönäjacä Metusael ämöje Metusael mane cönäjacä Lamec amöje. ¹⁹ Lamec mane acä töjiinñantocomo cönöi chätö cönäjacä Ada je yäjato atö quene Zila. ²⁰ Adan cönenuchai yawä Jabal töwö jonöjacä ñonno ejematotojo aca töweiye cönöjatodö jaca jacomo mmaja ömötäncomoje cönöjacä. ²¹ Dhacono etää mane cönäjacä Jubal töwö cönäjacä arpa sam juda yecwanamo ömötoncomo je. ²² Zila mane cönennuchai Tubal Cain töwö cönäjacä tamedää täijacomo töjecomo edhajoje Tubal Cain jaduicho mane cönäjacä Naama. ²³ Lamec cönädöacä töjiinñantocomo wä Adan y Zila yadedu etatöcä änwanno lamec jiñantomo etatöcä äwänñe yetunuchöjodö weijäcä dhamwa medecä yaijujötojodö weijöcä. ²⁴ Cain mane cönjotoicho acä amodoto wacä mädäje mmaja Lamec nijotatode acä amojato sototacwacö. ²⁵ Adan cönächea töjiinñamo acä töwö wodi cöneinuchai aneja tönnedö töwö chötä cönetäi Seth cönädöacä wanaadi önnedö cuntui anejadaja Abel önwacanojödö Cain wä ne ematödä. ²⁶ Cönennui yawä Seth nedö mmaja töwö chötö cönetäi Enos iiyää anooto weichö soto cönajontojocho töwadewödöcomo wanaadi etö joi.