¹ Lukine,obee kobachongolela banafunzi bakee,kobele na mondo omosaa tajirii,obelekoba ne lokanyi lwakee,onaa obekushitakebwa kwakee kobaa washii komwangasa byendo byakee. ² Obe kumwitana,nakomochongolela,ne malongo,inii ena nashikuungwa iyolo yaho?olaa hesabu ye lokanyi lwaho,kwe kobaa ndokaobe koba ne lokanyi lukine. ³ Odia welokanyi obe kochaa momotema wakee,naketebunii?bobo,bwana wanee washikunebandosela lokanyi kolema,shikaobe,kwengela,nashikomona masonyi. ⁴ Nashikocheba dingaketa meno,ite batanebandose kolelokanyi banekaribishe mondabo yaboo. ⁵ Obekubaitana badeni be bwanaa wakee,kela omosaa,obekobachongolela we kombala,olemokochebana ne bwana wanee?obe koocha,bepemo lokama byemakutaa,obe kobachongolela,tombaa atii yaho,chikana lobelo,owandekee makumi matano. ⁷ Kushila obekochongolela hine,na awee olekocheba?obekoocha makandaa lokamaa ye nganoo,obe komochongolela,tombaa atii waho,oandekee makumi motoba. ⁸ Odia bwana obekomoseka we lokanyi dyachi kwe bodya wabe koketa kwe lokanyi,kwe koba banaa be mosenge onaa kole ibotaa dyabo benee balee ne lokanyi koeta banaa be nuruu. ⁹ Nameno nashikomochongolela,mujikete rafikii kwe byendo bye byachii,bodya etabe kokosekana baba karibishe kole machikaneno memilele. ¹⁰ Obee kwitaboka kole lele lenana saana,otabe kwitaboka kolelele lekataa nadio na olee olee kwimanela kole lele lenana,otabe kwimanela kolee lele lekata nadio. ¹¹ Bobo,ite banuu motashii bekuungunwa kole byendo bye lokanyi,na nanii otamwabele amana byendo bye ukwedi? ¹² Ne ite mushii bekwitaboka kole byendo bye mondo ukine,na nani otamwabele ebee yinoo banuubene? ¹³ Kushii mochaa otaobee komokambela babwana babele,kwe bobo,bodia ndakaonaakone onaa,na omokondee nanee otasale ne onaa ne komozarau onaa.Mokaobee komokambela Firinyambi ne byendo. ¹⁴ Bobo bafarisayo,abo benee ne bekokonda falanga,babekuungunwa edya hesee,balekomona ne makocho. ¹⁵ Obe kobachongolela,banuu nabanuu mole mokokonda akii kombala ye mondo kalonga,nawe Firinyambi ole mokomocheba momotema yinoo,kwe bodyalele kotokoka kwe bando kalonga lele kelelee kombala ye Firinyambi. ¹⁶ Toratii ne manabii byabelekoba mopaka Yohana,tangie wakati odya malongo machii ye bokolobwe Firinyambi bwashi kutangazwa na kela mondo omokwingela kwe bokome. ¹⁷ Bobo ne bwachii saana mbengoo ne mosenge bishile,kotashii ebekwe noktaemosa ye tarati. ¹⁸ Kela amokolekela mokachi wake na komomosa mwana mokochii ukine okese nakee,nawe ndakamosele awe obekolekebwa ne molome wakee okesebwe. ¹⁹ Obekochaa,kobele na mondo omosaa,tajirii obekobwala ngubo ye langii ye komonga ne kelemba kyachii ne kodya lusulosee kwe anasaa. ²⁰ Ne masikinii omosaa,chinaa dyakee lazarooo,obekobekwa kumukinda waakee.Ole ne bilonda biwelele. ²¹ Nawee obelee mokokonda kwikotesa kwe makombwa yabee kokela kole mezaa ye odya tajirii,nane ombwaa na kobaka na komolamba bilonda byakee. ²² Adya odya masikini obekokwa,obekolombebwa ne bamalaika mapaka mokyale kye Ibrahimu.Odya tajirii nawee nakokwa,nakochekwa. ²³ Bobo,kodya kuzimuu obe kobandesaa misoo makee obelekoba kole makomo,na komomona Ibrahim kwe kolehee ne Lazaro mokyale kyake. ²⁴ Obekolela,nakoocha,ee isanee Ibrahimu,ngolomela,motomaa Lazaro otabekee njala ye mesanyi chake momachee,omwangele mololeme lwanee,kwe sababu nashikoteswa kole toyaa tonoo. ²⁵ Ibrahimu nakoocha,mwana wanee komboka kwe bodya awee obekopokela myanda chachii chako kole maisha maho,ne Lazaro nawee obekopataa mabehe,na bobo awe olee anoo molaa,ne awee olemokoomela. ²⁶ Ne koetela kwe edya,mungia mwito batuu na banuu kwashikobekwa kinaa kekata,bobo badya batabe koola konoo koyaa kwino bakaobee,nane bando be kwino bakasaboke kobakwito. ²⁷ Obekocha,bobo,isane,nashikukwengela,motoma mondabo kole isanee wanee. ²⁸ Kwe koba nale nebabotwa batanoo,bodya obachongolela,baikyanga aboo nabo kuika ibowa lenoo lemakomo. ²⁹ Ibrahimu nakocha,balee ne musane manabii,na babaunguchwa aboo. ³⁰ Obekoocha,la,isane Ibrahimu,bobo ite kobayelela mondo obekoola kwe bakuu,bakatubuu. ³¹ Obekomochongolela,nde babaunguchwa musa ne manabii,bakaungunwa nane mondo otafofoke kole bakuu.