¹ Nabo batoza ushuruu ne bakine bale dhambi babele kwe Yesu ne kumuunguchwa. ² Bafarisao abobasee ne bandishi bale konongoneka babe koocha"mondo onaa ole kobakaribisha bale dhambi ne nanee kodya nabo" ³ Yesu nakoocha mofano hona kwabo,olekoocha. ⁴ Ne nanii kwino,ite ole ne mekoko meya emosaa ne okichembelela ne omosaa waboo,ndakabalekee badia makumi ketema ne ketema kondabo,na oyakee mokomolenga odya obekuchimbela mopaka omomone? ⁵ Nawee kushila komomona komobeka komapeka make na komoselelela. ⁶ Obe kuikya kole ndabo,nakuitana barafikii bakee ne bajerani bakee obe kobachongolela moselele amosaa nameno,kwe koba nashii komomona mokoko wanee obe kuchimbela. ⁷ Nashikomochongolela bwakale bodia kotabee ne kyanya mbengone kwe ajilii ye obee ne dhambio amosaa obekutubuu,koeta ye balee sambo makumii ketema ne ketema badia bashii ne shida ye kutubuu. ⁸ Nane kolee mwanamokachi unii elufuu ikumii ye makota,okachimbelela ne elufuu emosa,ndakateme itala ne kokomba na kolengaa kwe bidii mopaka adiaotamonee? ⁹ Ne otashile kwimona otabaitane barafikii bakee ne jeranii bakee obekobachongolela moselele amosaa nameno,kwekobaa nashikomona lukine falanga chanee nabelekoba mokolenga. ¹⁰ Nane bodya nashikobachongolela kole kyanya kombala ye malaika we Fieinyambi kwe ajidii ye obeene dhambi omosaa washikutubu. ¹¹ Na Yesu obee koocha"mondo omosaa obele ne banaa babelee. ¹² Odia moto obekomochongolela isakee,isane mbecha nosoo ye byendo yabe kombasha kotomekesaa.Bobo obekwabaa byendo byakee mungia mwabo. ¹³ Nane kushila kwe masuu nde mawelele odia motio nakukumbakanya bisee,koyakaa kebaluu kye kolehee,nakotomekesa byendo byakee kodya kwe maishaa ye bushalati. ¹⁴ Nawe obelekoba washi kushila kotomela bisee njalaa chikata yabee kwingela kebaluu kedia nakwanga koba kole mawasoo. ¹⁵ Obekoyaka kwimbembeleza mwenee kwe omosaa we bando be kebalu kedya,nawee nakomochala komashiyo makee kolesaa ngolobe. ¹⁶ Ne obee mokokonda kuikotesa kwe makanda yalemokodya ngolobee kwe sababu kuushi mondo obekomwabela kyendo kyokyote opatee kodya. ¹⁷ Nawe odia mwanaa motoo obekozekatela momotema waake,obeekochaa,ne bachaa bangaa be isanee wanee balee nebilebwa biwelele bye kotosha na meno nalee ano,nashikokwa ne njalaa. ¹⁸ Ndabandoke na nayakee kwe isanee wanee,na namochongolele isane nashikokosa iyoloo ye mbengoo ne kombala ye misoo mao. ¹⁹ Shikapashwe kuitanwa mwanaa wao lukine,ongetee bole momosa we bachaa bao. ²⁰ Adya obekotaloka nakoyaka kwe isakee wakee.Obelekoba ekee kolehe isakee wakee obekomomona obekomomonela lokwa obekoyaka lobelo ne komokombatela na kumubusuu. ²¹ Odia mwanaa na komochongolela,isanee nashikokosa iyolo ye mbengoo ne kombala ye misoo maho shikapashe kungitana mwanaa waho. ²² Odia isakee obee kobachongolela bachaa bakee,mobesee lobelo ngubo efe bwachii momobwalese momoteche ne mbete komosanyi ne bilato kobyahe. ²³ Kushila mobesee mokoko odya obekonanaa moyemokachinje todye ne toselele. ²⁴ Kwe koba mwanaa wanee obelekoba washikokwa nawe ole mushima obele washikuchimbela nawe washikomoneka nakwanjaa koshangelela. ²⁵ Bobo odya mwanaa wake mokolo obelekoba komashiyo.Obelekoba mokobakaa na mukuika mondabo obekuungwa chuuki ye nyembo ne makacho. ²⁶ Obekumwitana mochaa omosaa obe komobocha mwianda enaa maana maake nabikye? ²⁷ Mochaa nakomochongolela moto waho washikobakane isaho wao washi komochenjela mokoko obekonona kwe sababu washikootoka bwachii, ²⁸ Mwanaa wemokolo obekolemboka nakokona kwingela monda nawe isakee obekoola anjee komobembeleza. ²⁹ Awee nakumujibu isakee nakoocha,lola meno nashikokokambela miaaka chiwelele,menoo shinakosaa amrii yaho,mbona ndonaniabela mwanaa wembuchii,ite naobe koseleleana ne barafikii banee. ³⁰ Bobo obelekobaka honaa mwanaa waho obekomwangasa byendo byaho bisee amosa ne bandumbaa washii komochenjela mokoko obekonona. ³¹ Isakee nakomochongolela,mwanaa wanee ole amosaa nameno lusuu losee ne biosee nalenabio ne byaho. ³² Bobo ebele bwachii kwitoo koketa toselele ne kyanya,onaa mobotwa naho obele washikokwa,na nani mushima obele washikuchimbela nawe washii komoneka.