¹ Yasu obekobachongolela banafunzi bake,"mianda yabekoochebwa bando bakete dhambi ishii lashima koolela,bobo olee wakee mondo obekoochaa. ² Engaba ne bwachi ite mondo hodyaongafongebwa ibwe dineme lekosakela mungingo na kosombolwa molwalaba,kotashii komoketa momosa we baba banana bakete zambi. ³ Mwibekee.Bole mobotwa naho iteotakokosele moshaolela,nawe ite watubuu mosamehee. ⁴ Ite otakokosele ne mara mosambo kwe lusuu lomosa ne maraa mosambo kwe lusuu lomosaa itewabakaa kwaho nakoocha,nashikutubuu,mosamehee." ⁵ Metome chakee nakomochongolela bwana"tongela imani yito. ⁶ Bwana obe koochaa,"ite mongabaa ne imani bole mokaa ye haradarii mongaoba koochongolela motee honaa we mokoyo,tubuka ne okatowee kolwalaba,nao ongaungwa. ⁷ Bobo nanani mungia mwino olee ne motomeshi olemokolema ishiyo nane ole mokolama mekoko otamochongolele adya otaotokee kuishiyo,kakaa lobelona uchikane udichee bailebwa? ⁸ Buni otamochongolele ,niabela bilebwa nadiche,na ufungee mukuluu ne onekambele mopakaa adyandashile kodiya ne kosola.Komongo kwe hadya otadiche ne kosola? ⁹ Nane otamwabele akisanti motomeshe hodya kwesababu washikoketa edya yabe koochebwa? ¹⁰ Bwakale bodya banuu motashile koketa mobekolaebwa moochee batuu tole bachaa totashikofaa.Twashikoketa tu edya twangaketa kotecha. ¹¹ Yabekolela bodya obelekoba mokoenda koyaa Yerusalemu,obekoeta momelelo mwe samaria ne galilaya. ¹² Obele mokoengela kole kadya kamosa,kodya obekukumbakana ne bando ikumi babele koba ne bukoma.Bale kuimana kolehe. ¹³ Bale kobandesa chukii nakoochaa"Yesu,bwana tooolomela." ¹⁴ Obekobamona obekobachongolela"moyake moka imonese kwe makuhani'nabo babekoba mokoyaka na kongala. ¹⁵ Momosa wabo obekomona bodya washikufuka,nakootoka kwe chukiilekata nakomoseka Firinyambi. ¹⁶ Nakututa maluu momeende mwe Yesu na kumushukuru.Awee obe musamaria. ¹⁷ Yesu obekujibu,obekoocha"bunindebaatoka basee ikumii?bale kuni badya bakine ketema? ¹⁸ Kushii nane omosaa obekomoneka kootoka ite omotokoze Firinyambi,etashikoba onaa mwenyi" ¹⁹ Obe komochongolela,bandoka na oyakee byaho imani yaho yashikukufuka. ²⁰ Obelekobochebwa ne mafarisayo ufalme we Firinyambi otabe kuni,Yesu nakoba longola nakocha"ufalme we Firinyambi kishii kyendo kele kohobeka komoneka. ²¹ Nane bando bakaochee molole anaa.nane,lola kodya,kwe bobo ufalme we Firinyambi olee mondoa mwino. ²² Yesu obekobachongolela banafunzi bakee"wakati otabakee motakondee kwimona emosaa ye lusuu lwe mwanaa we Adamu,bobo mokaimone. ²³ Batamochongolela,lola,kodya,lola,heya,bobo ndekoya kolola,nanekobalonda, ²⁴ Bole mwangaa we ngobaa olekoangazaa kole mbengo kwanjela mbanga emosaa mopaka ikinee.Bodya nane mwanaa we Adamu otabe bodya kole lusuu lwake. ²⁵ Bobo kombala etamokete kotesekaa kole mwyanda chiwelele ne kokonebwa ne hibota lele. ²⁶ Bole yabe koba lusu lwe nuhu,bobo naetabe bodya lusuu lwe mwanaa we Adamu. ²⁷ Babele kodya,babele kosola,babelekosela ne koselebwa mopaka lusu lodya lole nuhu obekwingela kole safina ne mbula nakobaka na kobachamisha basee, ²⁸ Nabobo yabe koba kole lusuu lwe lutu,babekodya,kosola,babekoolesa ne kolaa,kolema ne koyenga. ²⁹ Bobo lusu lodya lutu obekotaloka sodoma,yabekonoka mbula ye toyane kibiritii kolaa mbengone nakobachiya basee. ³⁰ Bodya nabobo etabe koba lusuu lodya lwe mwanaa we Adamu otabololebwe. ³¹ Lusuu lodya,ndakakonde ole kolenganda ye ndabo kuikya kotomba byendo byake monda ye ndabo. ³² Mokomboke mokachi we Lutu. ³³ Hosee otakonde kwifukesha maisha makee ndakaichembese,bobo ndakaifuke. ³⁴ Nashikokochongolela,batu bodya kotabe ne bando babele kole ketandaa kemosaa momosa otatobebwe,ne ukine otasale. ³⁵ Kotabe ne banabakachi babele momosa otatobebwe ne ukine otashihebwe. ³⁶ Bando babele batabe muishiyo,omosaa otatombebwe omosaa otasalee. ³⁷ Babe komocha,"adya alee mozoka naadya bionyi betakumbakanywe kwe amosaa.