¹ Mbahanwire,nye mushwekwa omu Namuba ho,mulamaagire n'obwirhonzi bw'okuhamagalwa kwinyu mwahabirwe, ² oku bwirhonzi bwoshi n'obutudu haguma n'obushibirizi n'okuka rhabalana mwene na mwene haguma n'obuzigire. ³ muchihangan'okulonz'zchina buguma cho Murhima Mweru okunjira yo murhula. ⁴ Hali mubiri muguma,murhima muguma,nkoku mwahamagalagwa oku bulangalire buguma bw'obuhamagale bwinyu. ⁵ Hali Namubaho muguma,bwemere buguma,bubatizo buguma. ⁶ N'namahanga muguma,na Larha wa boshi n'omu kagarhi ka boshi n'omu byoshi. ⁷ Chikwone okungasi muguma wirhu olukogo lwahanyirwe kushimbana n'echigabi cha Kristu. ⁸ Chochirhumire bidesirwe ok'erhi arherema enyanya,alerh'abagwarhagwa mpira,nantyo ahan'emigabi oku bantu. ⁹ N'obwo,kwo kuderha kerhi oku arheremire na kandi ayandagirage omu mbaga nsungunu z'igulu. ¹⁰ Owayandagalaga,yonoyo muguma warheremaga enyanya ly'amalunga goshi,ly'ahikiriza ebintu byoshi. ¹¹ Nantyo,ahamagala baguma okuba ntumwa,abandi nka balebi,abandi nka b'igiriza,abandi ba dahwa na ba lungere, ¹² ly'akomeza abachesibwe enyanya lyo mukolo n'oku zibuhya omubiri gwa Kristu. ¹³ Kuhika rhuhikire rweshi echinabuguma cho bwemere n'obumanye bwo mwana wa N'namahanga,oku bworherere bwo muntu oshinganine oku bukolese bushinganine bwa Kristu, ¹⁴ lyo rhurhanachibe bana,bokudundagana n'okuhekwa na ngasi mpusi y'obwemere,okurhebekana oku bulyalya omu burhebekane, ¹⁵ chikwone okuima okuli omu bwonjo,rhunaka kula okubyoshi omu kagarhi koli mukulu,Kristu. ¹⁶ Aliye,n'okuburhabale bwage bwo lukogo,oku omubirir gwoshi,gwagendaga n'okujira engushe y'emisi erhol'obukuze kushimbana n'emisi erhenzire emwa ngasi chihimbi chage,n'oku chisimisa yene omu buzigre. ¹⁷ Sinzagi gurhi ndesire n'oku mukubizize muli N'namubaho,oku murhachilambagiraga nka bana byaha,baka lambagira nka banabyaha,baka lambagira kushimbana n'obusha bwe ntanya zabo. ¹⁸ Bagwerh'obwenge bwo mwizimya,biribigolo omu kalamu ka N'namahanga,enyanya lyobuhwinja buli omu kagarhi kabo,enyanya lyobuzibu bwe mirhima yabo. ¹⁹ erhi barher'olwifinjo lwoshi,babelurukanwa na ngasi bubi bwoshi bwangasi lugero. ²⁰ Chikwone arhali ntyo kwo mwachiyigirizize Kristu. ²¹ Nk'akaba mwayunvirhe na nka akaba kushimbana n'okuli kul'omu Yesu,n'omukagarhi kage mwayigirizibwe okushokolwa. ²² Kushimbana n'akalamu kambere,omunyu wamira achiguza n'enyifinjo z'okurhebana, ²³ okujirwa buhyahya omu murhima gwo bwenge, ²⁴ n'okuyambal'omuntu muhyahya,walemagwa kushimbana na N'namahanga omu okuli n'obuchesibwe buka lerha obushinganyanya. ²⁵ Chochirhumire,muleke ngasi bushumi na ngasi winju aderhe n'obushinganyanya emw'omulungu wage bulya rhuli birumbu rwene na rhwene. ²⁶ Nka mwakaba burhe,burhajiraga ebyaha,izuba lirhagweshere munachiri burhe. ²⁷ Murhana haga lyangombe oluhya. ²⁸ Owakagi zimba arhachizimbe;chikwone akole omukolo,ajir'aminja kurhenga amaboko gage,lyabona ech'aha olagirire. ²⁹ Omu kanwa kinyu murharheng'omwanzi mubi,chikwone nka bihashikine,akanwa kinja kakarhabala okuyubaka n'oku shambaza olukogo emwa abaluyunva. ³⁰ Murhagayise Murhima Mweru wa N'namahanga,kugerera ye mwahabagwa echimanyiso chobuchunguke. ³¹ Ngasi bululu byoshi,ngasi mujina,oburhe bwoshi,okulongola kwshi,akisikanya koshi,na ngasi mulala gwo bukali,birheng'omu kagarhi kinyu. ³² Mube binja mwene oku mwene,muzigirane,muberane bwonjo mwene oku mwene,nkoku N'namahanga ababeraga bwonjo muli Kristu.