¹ Enyanya ly'ebyo,nie Paulo,mushwekwa wa Kristu okumwe bapagani. ² Erh'akaba mwayunvirhe bichi biri bya makwanane by'olukogo lwa N'namahanga,nahabagw'enyana zinyu. ³ Omu bibonekerezi mwo nahabagw'obwenge bw'ogu mukolo nyandisire kwo binwa bitya. ⁴ Omu kuyisoma,mwana manamany'obwenge ngerh'omu kasi ka Kristu. ⁵ Birhayerekanagw'oku bana b'abantu oku gandi maburha,nkwoku babiyerekine buno kugerera Muka oku bachire ntumwa n'abalebi ba Kristu. ⁶ Ogu mukolo,ly'abapagani baba bayimikwa,bajire mubiri muguma,bana chimbulir'oku chonecho chiragane omu Yesu Kristu kugerer'amaruba, ⁷ kwo najiragwa mukulu kushimbana n'enshokano y'olukogo lwa N'namahanga oku buzibu bw'obuhashe bwage. ⁸ E'mwani,niendi murhohye wa b'okuli boshi,olu lukogo lwahabagw'oku yalagaza oku bapagani obugale burhayunvikana bwa Kirstu, ⁹ n'okuheb'obulangashane bamanye by'ihwe ly'echigamba chifulike ch'akasanzi koshi omu N'namahanga ye wabumbag'ebintu byoshi, ¹⁰ ly'oburhambule n'abakulu b'omu nankuba bamany'ene kugerer'isengero obwengehushu burhahwa bwa ngasi lugero bwa N'namahanga, ¹¹ kushimbsns n'entimanya z'emyakula akolesize kugerera Yesu Kristu Muchiza wirhu, ¹² Omu ye rhugwerhe,kugerer'obwemere muli ye,oluhuma lwokuegerera N'namahanga n'obulangalire. ¹³ Kandi muhunire murharher'obushibirizi enyanya l'yebizibu byani emwinyu:buli bukuze bwinyu. ¹⁴ Enyanya ly'ebyo,nfukamire amadwi embere lya Larha, ¹⁵ eli barhenza mw'izino lyag'emilala yoshi omukagarhi k'empingu n'omwigulu, ¹⁶ ly'abaha,kushimbana n'obugalebw'obukuze,mube bazibu bwenene kugerera Muka wage omu muntu w'endalala, ¹⁷ kushimbana n'oku Kristu alamir'omundalala ly'emirhima yinyu kugerer'obwemere;ly'oba mwemezi osezibwe n'obuzigire, ¹⁸ mugwasirwe mumanye haguma n'abemezi boshi obwofi,obuli,obwandagala n'oburherema, ¹⁹ n'okumany'obuzigire bwa Kristu,burhalusire ngasi benge,lyo muyunjuzibwa kuhik'obuyunjulize bwoshi bwa N'namahanga. ²⁰ N'obwo,emw'olwa wakajira,oku buhashe buli bwakola omu ndalala zirhu,ensiku zoshi kulusha ngasi byoshi rhukahuna abantu, ²¹ emwag'obukuze om'ishengero n'omu Yesu Kristu,omu milala yoshi,emiaka n'emiakula!Bibentyo!