¹ Mwali fwir'oku bijiro binyu bibi n'oku byaha binyu, ² omukarhi kabyo mwakagi genda gandi mango,kushimbana n'eb'igulu lyene,kushimbana n'omurhali w'obuhashe bw'empusi,wo muka guli gwakola bun'omukarhi ka barhabana b'entambala. ³ Nirhu rweshi,rwl'omu muganjo gwabo,rwanalilamire ago mango kushimbana n'irala ly'emibiri yirhu,n'okuhikiriz'amalonze g'omubiri n'entanya zirhu,rhwanali gwerhe ensusho y'abana b'oburhe,nk'abandi... ⁴ Chikwoki N'namahanga,oli mugale w'obwonjo,enyanya ly'obuzigire bunji arhusimaga, ⁵ rhwe rhwali fwir'enyanya l'ebyaha birhu,arhugaluli'akalamu na Kristu,kuli okulukogo lyo mwachizibwe; ⁶ arhufuzire haguma,n'anarhutamaza haguma omu hantu h'embingu,omu Yesu Kristu, ⁷ ly'ayerekan'omukarhi k'emiaka yayisha obugale burhahwa bw'inema lyage kugerer'obwinja bwag'emunda rhuli omu Yesu Kristu. ⁸ Buly'oku lukogo mwachungulagwa,kugerer'obwemere.N'ebyo birharhengini na ninyu,chi shokano ya N'namahanga. ⁹ Arhanachir'oku bijiro,lyo harhabag'owachikuza. ¹⁰ Bulya rhuli mukolo gwage,rwalemagw'omu Yesu Kristu enyanya ly'ebijiro binja,N'namahanga arheganyagya kurhenga mira,lyo rhukabijira. ¹¹ Chochirhumire,mwe bapagani omukarhi k'omubiri,bahamagale barhali bakembule na bahamagirwe bakembule banali bo omu mubiri n'amaboko g'abantu, ¹² mukengere okw'ago mango mwali buzira Kristu,balondole oku binyu omu lugo lwa Israeli,bigolo oku ndagano ze chiragane,buzir bulangalire na buzira N'namahanga omukagarhi k'igulu. ¹³ Chikok'ene,omukagarhi ka Yesu Kristu,mwe malikola muchiyegwire mira,mwayegerezebwa n'omuko gwa Kristu. ¹⁴ Bulya ye murhula gwirhu,y'omwebyo bibirhi ajijire chiguma chone,ye wahindulag'olukuta lwali rhusisire,obushombanyi, ¹⁵ Erhi alembya n'omubiri gwge irhegeko ly'oburhegesi omu mahano gage,ly'ajir'omu yene haguma n'abo babirhi abe munu muguma muhyahya,n'okushimik'omurhula, ¹⁶ n'oku baheba haguma,muguma n'owindi omu mubiri muguma,haguma na N'namahanga kugerer'omusalaba,n'okushaba obushombanyi kugerera ye. ¹⁷ Ayishir'oku yalagaz'omurhula oku mwe mwali hali,n'omurhul'oku bo bali hofi; ¹⁸ bulya kugerera ye rhugwerhe baguma n'abandi oluhuma hofi na larha,omu Muka muguma. ¹⁹ Ntya yaga,murhachiri bigolo,erhi bantu b'embuga,chikoki mukola banachihugo b'abachire,bantu bomu nyumpa ya N'namahanga. ²⁰ Mwa shimisirwe kurheng'omurhangiro gw'entumwa n'abalebi,Yesu Kristu yene ly'ibuye ly'oburhondeza. ²¹ Omu ye byoshi byahebwa haguma,bwinja kugwarhana,kuliha lyo lib'ishengero linja omukarhi ka N'nahamwirhu. ²² Omu ye ngasi ninyu mwashimisirwe lyo muba'ifulukiro lya N'namahanga omukagarhi ka Muka.