¹ Kusiga obula eciragane c'okuja omu murhula gwa Nnamahanga cicihaba,rhuyobohe,rhumanye hankajira owacerwa muli rhwe. ² Bulya nirhu rhwa bwizirwe omwanzi mwinja nkabo.Ci oluderho bayunvagya lurhabakwamanaga,kulya kuba barhalunganaga omu bwemere n'abali baluyemire. ³ Neci rhwe rhwayemire rhwe rhwayishija omu buluhuko,nka kulya aderhaga,erhi: ''Omubukunizi bwani nacigashire nti barhakalabarha omu buluhuko bwani." Adesire ntyo n'obwo emihigo yage yali erhi yayunjwire kurhenga oku lemwa kw'igulu. ⁴ Bulya kuyandisirwe oku lusiku lwa kali nda, mpu: " Nnamahanga arhamuka olwa kalinda ashwinja emikolo yage yoshi. ⁵ Aho honannene,bidesirwe,kandi mpu: "Barhakalarha omu maluhuko gani." V 6 Nantyo,rhumanyire oku baguma banajemwo na barhanzi bali bahamagirwe barhalabarhagamwo erhi kurhayunva kwabo kurhuma. ⁷ Nnamahanga ashubitwa olundi lusiku, "lwo lw'ene,'' n'erhi ensiku zigera,aderha Daudi,birya binwa rhushuba rhwaderha, "Ene_ene mukayunva izu lyage,mumanye murhazibuhyagya emirhima yinyu." ⁸ Yoshua acihisagya bene_Israeli mw'ogwo muluhuko,Nnamahanga arhankacidesire mpu olundi lusiku.Kusiga hali ogundi muluhuko gw'oluzia muluhuko gubikirwe olubaga lwa Nnamahanga. ¹⁰ Neci owaje mwogwo muluhuko naye anarhamuke aleke emikolo yage,nkakulya Nnamahanga ashwinjaga emikolo yage. ¹¹ Rhuciseze nirhu rhujemw'ogwo muluhuko,lyo rhurhagirhengamwo owahirhima,amarhebwa n'olwo lwiganyo lw'okurhayunva. ¹² Neci oluderho lwa Nnamahanga buba buzine lurhagaluka lunayojihire kulusha engorho ya moji abirhi.Lunywengererakuhika aha ngabiro y'obuzine n'omuka,y'ejingo n'omongo lunayishi entimanyo n'enkengero z'omurhima. ¹³ Na nta ciremwa ciru n'eciguma cirhabonwa na Nnamahanga.Byoshi byoshi bilangashine binafulwirwe omu masu g'oyu ogwerhe emyanzi yirhu. ¹⁴ Kusiga, obu rhugwerhe omudahwa mukulu bwenene wayikire amalunga,Yesu Mugala wa Nnamahanga,rhugwarhage buzibu obwemere bwirhu. ¹⁵ Bulya rhurhagwerhi omudahwa mukulu orhankahashiyunva olukogo lw'obuzamba bwirhu.kulya kuba naye abuyunvirhe bwoshi akirhu kuleka ecaha. ¹⁶ Kusiga rhuyegere n'obulangalire entebe y'obwonjo lyo rhuberwa lukogo rhunashobole enshokano y'oburhabale bukwanine.