¹ Nyalo Simakadze watsi ku Abram, '' Suka eveni lakini,etihlobeni takho,emndenini weyihlo, uye eveni lengitokukhombisa lona. ² Ngawe ngitowenta sive lesikhulu, ngikubusise, ngente ligama lakho libelikhulu, utobasibusiso. ³ Ngitawubusisa labakubusisako, kepha loyo longakuhloniphi ngitamucalekisa. Ngawe yonkhe imindeni yemhlaba mayibusiseke.'' ⁴ Ngakoke Abram wahamba, njengekusho kwaSimakadze, Lothi wahamba naye. Abram bekaneminyaka lengemashumi lasikhombisa nesihlanu budzala makasuka e Haran. ⁵ Abrami wahamba na Saray, umkakhe, Lothi, indvodzana yemnakabo, konkhe lebesebakuzuzile, nabobonkhe bantfu lebesebanabo e Harani.Bahamba baya eveni laseKhenani, befika eveni lase Khenani. ⁶ Abram wendlula endzaweni lekutsiwa kuse Shechem, e oyakhi yeMoriya.Ngaleso skhatsi emakhenani bekahlala kuleyo ndzawo. ⁷ Simakadze watibonakalisa ku Abram, watsi ,'' Situkulwane sakho ngitasinika lendzawo. ''Ngako Abram lapho wakha li Althari kuSimakadze. Lotibonakalisile kuye. ⁸ Kusukela lapho waya egcumeni lelive lelisemphumalanga ne Bheteli, lapho abeka khona lithende, i Bheteli beyingaseshonalanga i Ayi isemphumalanga. Lapho akha khona li Altari la Simakadze wase sewubita ligama la Simakadze. ⁹ Abrami wachubeka nekuhamba neluhambo, walibhekisa ngase Negevi. ¹⁰ Bekunendlala kulendzawo, ngako ke Abrami waya entasi e Gibhithe wayohlala, lendlala beyihlasele kakhulu kulendzawo. ¹¹ Nasatongena e Gibhithe,watsi kumkakhe Sarayi, buka la, ngiyati ungulomuhle wesifazane. ¹² Emagibhithe nakakubona atotsi,' lona ngumfati wakhe,' Batangibulala, wena batakugcina uphilile. ¹³ Tsani ke wena ungudzawetfu, kukhona kutongihambela kahle nami ngenca yakho, ngaloko ke imphilo yami itosindza ngenca yakho.'' ¹⁴ Kwase Kufika lapho Abram angena e Gibhithe, Ema Gibhithe abona kutsi Sarayi abemuhle kakhulu. ¹⁵ Inkhosatana ya Faro yambona, yamdvumisa ku Faro, lomfati watsatfwa wamikiswa endlini ya Faro. ¹⁶ Faro wamphatsa kahle Abram ngenca yakhe, ngako Abram wemukela timvu netinkhomo, timbongolo letimndvuna, tisebenti letindvuna, tisebenti letinsikati, timbongolo letinsikati, kanye nemakamela. ¹⁷ Ngako Simakadze washaya Faro kanye nendlu yakhe ngetinhlupheko letinkhulu ngenca yaSarayi, umfati wa Abram. ¹⁸ Faro wabita Abram, watsi yini loku lokwentile lakimi? Leni ungakangitjeli kutsi ngumfati wakho? ¹⁹ Ushito leni kutsi,' ngudzadze wetfu,' kute ngimtsatse abe ngumfati wami? Ngakoke, nangu umfati wakho. Mutsatse uhambe naye indlela yakho." ²⁰ Ngako Faro wanika umtsetfo emadvodzeni mayelana naye, base bayamhambisa nemkakhe kanye nakokonkhe lebekanako.