¹ Emva kwaletintfo leti livi la Simakadze leta ku Abram ngembono, litsi, ''Ungesabi, Abram! Ngisihlangu sakho nenzuzo yakho lenkhulu kakhulu.'' ² Abram watsi, ''Nkhosi Simakadze, utonginiketa ini, njengoba ngichubeka ngite umntfwana, nendlalifa yami ngu Eliezer wase Damascus?'' ³ Abram watsi, ''Njengoba ungakanginiketi situkulwane, buka, munye lotawutalwa endlini yami utoba yindlalifa yami!'' ⁴ Kwase ke, buka, livi la Simakadze leta kuye, litsi, ''Lendvodza lena ngeke ibe yindlalifa yakho; kepha loyo lotawuchamuka emtimbeni wakho utoba yindlalifa yakho.'' ⁵ Wase umyisa ngephandle, wase utsi, ''Buka emazulwini, ubale tinkhanyeti, uma ukhona kutibala.'' Wase utsi kuye, ''Sitoba kanjalo ke nesitukulwane sakho.'' ⁶ Wamkholwa Simakadze, futsi wakubalela kuye njenge kulunga. ⁷ Watsi kuye, ''Ngingu Simakadze, lowakukhipha eUr yema Chaldeans, kukunika lelive leli libe ngelakho.'' ⁸ Watsi, ''Nkhosi Simakadze, ngitowati kanjani kutsi litawuba ngelami?'' ⁹ Wase utsi kuye, ''Ngiletsele litfole lelineminyaka lemitsatfu, imbutikati leneminyaka lemitsatfu, lituba, nelivukutfu lelincane.'' ¹⁰ Wamuletsela konkhe loku, wakusika emkhatsini, wase ubeka incenye layijubile yacondzana nalelenye, kepha akatehlukanisanga ekhatsi tinyoni. ¹¹ Uma emangce ehlela ngakuletilwane letatifile, Abram waticosha. ¹² Nase lilanga seliyoshona, Abram watumeka walala, buka, bumnyama lobujulile nalobetfusako bamengama. ¹³ Wase Simakadze utsi ku Abram, ''Yati ube nesiciniseko kutsi situkulwane sakho sitawuba sihambi eveni lelingasilo laso, futsi sitawugcilatwa siphindze sihlushwe iminyaka lengemakhulu lamane. ¹⁴ Ngitawusehlulela leso sive labatabe basisebenta, futsi emvakwaloko batawuphuma netimphahla letinyenti kakhulu. ¹⁵ Kepha nitokuya kubobabe benu ngekuthula, futsi nitawungcwatjwa ebudzaleni lobukahle. ¹⁶ Esitukulwaneni sesine batawubuya lana futsi, ngoba bubi bema Amorites busengakefiki emaphetselweni. ¹⁷ Uma lilanga selishonile sekumnyama, buka, libhodo lelalivutsa nelilambu lelalinemalangabi lendlula emkhatsini waletincetu. ¹⁸ Ngalelo langa Simakadze wenta sivumelwano na Abram, atsi, ''Kusitukulwane sakho nginiketa lelive leli, kusukela emfuleni wase Gibhithe kuya emfuleni lomkhulu, iEuphrates - ¹⁹ ema Kenites, ema Kenizzites, ema Kadmonites, ²⁰ ema Hittites, ema Perizzites, ema Rephaites, ²¹ ema Amorites, ema Caanites, ema Girgashites, nema Jebusites.''