¹ Lona ngumlandvo wentalelwane ya Adam. Ngalelilanga Nkulunkulu adala umuntfu,wabadala ngentsandvo yakhe . ² Lomdvuna nalomsikati wabadala. Wababusisa wabetsa watsi bantfu nabadalwa. ³ Adamu nasaphile iminyaka lengu 130 , waba ngubabe wendvodzana leyamfuta, yafanana naye, wametsa libito watsi ngu Sethi . ⁴ Emuva kwekuba Adamu abe ngu babe wa Sethi ,waphila iminyaka lengu 800 budzala. Waba ngu babe wemadvodzana nemadvodzakati lamanyenti. ⁵ Adamu waphila iminyaka lengu 930 budzala , wase uyafa. ⁶ Kwatsi Sethi nasaphile iminyaka lengu 105, waba ngu babe wa Enoshi. ⁷ Emvakwekutsi abe ngubabe waEnoshi, waphila iminyaka lengu 807 wase uba ngubabe wemadvodzana nemadvodzakati lamanyenti. ⁸ Sethi waphila iminyaka lengu 912, wase uyafa. ⁹ Kwatsi Enoshi nasaphile imininyaka lama shumi layimfica, waba ngu babe wa Khenani. ¹⁰ Emva kwekuba ngu babe wa Khenani, Enoshi waphila iminyaka lengu 815. Watala emadvodzana nemadvodzakati lamanyenti. ¹¹ Enoshi waphila iminyaka lengu 905, wase uyafa. ¹² Kwatsi Khenani nasaphile iminyaka lemashumi lasikhombisa, waba ngu babe wa Mahalalela. ¹³ Emvakwekuba abe ngu babe wa Mahalela, Khenani waphila iminyaka lengu 840. Waba ngubabe wemadvodzana nemadvodzakati lamanyenti. ¹⁴ Khenani waphila iminyaka lengu 910, wase uyafa. ¹⁵ Kwatsi Mahalela nasaphile iminyaka lengu 65, waba ngu babe wa Jaredi. ¹⁶ Emvakwekuba abe ngu babe wa Jaredi, Mahaleli waphila iminyaka lengu 830. Waba ngubabe wemadvodzana nemadvodzakati lamanyenti. ¹⁷ Mahalela waphila iminyaka lengu 895, wase uyafa. ¹⁸ Kwatsi Jaredi nasaphile iminyaka lengu 162, waba ngu babe wa Enochi. ¹⁹ Emva kwekuba abe ngu babe wa Enochi, Jaredi waphila iminyaka lengu 800. Watala emadvodzana nemadvodzakati lamanyenti. ²⁰ Jaredi waphila iminyaka lengu 962, wase uyafa. ²¹ Kwatsi Enochi nasaphile iminyaka lengu 65, waba ngubabe waMethusela. ²² Enochi wahamba na Nkulunkulu iminyaka lengu 300 emvakwekuba abe ngu babe wa Methusela. Waba ngubabe wemadvodzana nema dvodzakati lamanyenti. ²³ Enochi waphila iminyaka lengu 365. ²⁴ Enochi wahamba naNkulunkulu, wase uyanyamalala, ngoba Nkulunkulu wamutsatsa. ²⁵ Kwatsi Methusela nasaphile iminyaka lengu 187,waba ngubabe wa Lamekhi. ²⁶ Emvakwekuba ngubabe waLamekhi, Methusela waphila iminyaka lengu 782. Waba ngubabe wemadvodzana nemadvodzakati lamanyenti. ²⁷ Methusela waphila iminyaka lengu 969.Wase uyafa. ²⁸ Kwatsi Lamechi nasaphile iminyaka lengu 182, waba ngubabe wendvodzana. ²⁹ Wametsa libito watsi nguNowa, asho kutsi ''Lona utasinika kuphumula emsebentini wetfu nase buhlungwini bemsebenti yetandla tetfu, lekumele siyente ngencayalomhlabatsi Simakadze lawucalekisa.'' ³⁰ Lamechi waphila iminyaka lengu 595 emvakwekuba abe ngubabe waNowa. Waba ngubabe wemadvodzana nemadvodzakati ³¹ lamanyenti. Lamechi waphila iminyaka lengu 777. Wase uyafa. ³² Kwatsi Nowa nasaphile iminyaka lengu 500, wase uba ngubabe wa Shem, Hem, na Japhethi.