¹ Andina kusunguka na? Andisi upostoli na?Andina kuvhona Jeso ishe wedu ? hamuli basa langu munashe? ² Kana ndisili upostoli kuna vhamwe tshero zwakadlalo zwikhine ndili upostoli kamuli.Muli sumbejo netshikhwatiso tshovhupostoli gwangu muna she. ³ Kuzwidavhirira kangu kunayivho vhanonditonga ndikoyoku. ⁴ Hatitendegwi kudla nekunwa naa? ⁵ Hatitendegwi kuyenda noukaji unotenda savhamwe mapostoli , nevhakulu vha ishe na Khefasi? ⁶ Asi imi na Bhanabhasi hatitendegwi kushuma basa? ⁷ Ndiyani angashuma sousole atshizwilipira? Ndiyani anaglima munda yemazambiringa asingadli utshero wahone? Kana unolisa makwayi asinganwi ukaka wawo? ⁸ Izwi ndino zwilevha nokulevha kavhanhu naa? Iwo ulayo hawulevhi yezwi naa? ⁹ Nokuti paulayo wa Mozisi pakanwagwa kuti, "Usasunga ulomo webhaho inopula zwilimwa." Iye Mwali unendavha nebhohonaa? ¹⁰ Kana unolevha yezwo nekuda kedu koga naa? Shuwa , zwakanwaligwa isu nokuti unolima anetalisiro nounopula atshitalira kuti utshaphakhigwavho. ¹¹ Kana isu tikomudzwalira zwinhu zwemwiya tshingavha tshinhu tshikugwane naa kana titshitsheka zwinhu zwenu zwenyama? ¹² Kana vhamwe vhatshipiwa simba pazezulu pedu , isu hatipiwi gugwane naa? Asi hatina kuzwibatira nesimba. Asi tino tambujiwa pazwose kuti tilege kujivhisa vangeri ya khiristu. ¹³ Hamuzivhi kuti vhanoshumira pazwinhu zwitswene vhanolalama nokudla zwinhu mugereke? Futhi vhanobata basa paatari vhanopha khana atari naa? ¹⁴ Nayezwo vho ishe vhakalayijira kuti vhanopalija vangeri vhalalame ne vangeri. ¹⁵ Asi imi handina kuzwibatira netshimwe tshinhu izwo. Handinwali izwi kuti ndiyetegwe sayezwo imi. Nokuti zwirikhwine ndife pakuti umwe akonese itsho tshandino zwilumbija natsho. ¹⁶ Nokuti kana nditshipalija vangeri handina tshandinga zwilumbija natsho , nokuti ndofanira kuyeta hezwi. Ndine nhamo kana ndisingapaliji vangeri. ¹⁷ Nokuti kana nditshizwieta nditshida imindinoubayiro . Asi kana nditshizwieta ndisingadindakapiwa zwangu vhutaliri. ¹⁸ Zwino ubayoro wangu ndiweni? Ndiwo kuti kana nditshipalija ndivhigire vhanhu vangeri ya khiristu vhasingalipi ¹⁹ Nokuti tshero ndakasununguka kuna vhose ndakazwiyeta ulanda wavhose kuti ndiwanr vhanji tshayiko. ²⁰ Kuvha Juda ndakavha sou Juda kuti ndiwone vha Juda . Kuna vhali pasi poutemo, ndakavha sounhu alipasi poutemo tshero ndisanhu ndavha pasi poutemo wangu kuti ndiwane vhali pasi poutemo. ²¹ Kuna vhasina utemo ndakavha sounhu usina utemo tshero ndisanhu ndavha unhu asina utemo wa Mwali asi pasi poutemo wa khiristu . Ndayeta sayezwo kuti ndiwane vhasina utemo. ²² Kune vhasina simba ndakavha usina simba kuti ndiwane vhasina simba . Ndakavha zwose kuvhanhu vhose kuti ndilalamise vhamwe nemihxwalo yeso. ²³ Zwinhu zwose ndinozwiyeta nokuda ke vangeri, kuti ndiphakhigwe makombolero pamwepeji navhamwe. ²⁴ Hamuzivhi kuti vhanogidima, vhagidimi vhose vhanogigima,asi umepeji unopiwa ubayiro?Gidimani sayezwo muwane ubayiro. ²⁵ Umwe noumwe unotamba unozwijoa panezwose.Zwino ivho vhano zwiyeta kuti vhawane korona inovhola, asi isu kuti tiwana isingavholi. ²⁶ Zwino imi ndozwondogidimisamiyezwo, sezwisina basa; ndinogwa, asi handigwi sounhu unogwa nemwiya. ²⁷ Asi ndinogwajisa ubhiri wangu, nditshauyeta ulanda, kuti zwimwe imi ndakapalijira vhamwe, ndilege kuvha ndakalasiwa ndirimi.