¹ nga kuchili mu li Kilistu kumamuna vamo chimo, nga kudhembeleka chimo cha chidhango, nga ku likuata kumo mu Mpundhi, nga ngodhi na ku litetela, ² ngocho shulitheni kuyolela kuaange, ngocho kaleni va ka mbunge yimo lika, ngocho kaleni na chidhango chimo lika, litavethyeni kumo, na mbunge yimo lika. ³ na vimo vyahi vimu kapanga vya ku mi tepetha ngue vya kuli hametha yeni vavenya. ⁴ Na umo uahi ayongola muomu yendi vavenya, vuno yeni voshe viye vya va kueni. ⁵ Kaleni na mbunge yeni vavenya ngue uye lalo ua kele muli Kilistu Yesu, ⁶ yikeye, omo ua kele na muvila ngue Kalunga, ka yonguele kunlifua kumo na Kalunga ngue vyuma vya ku katela. ⁷ Vuno ua lihanene yendi vavenya, ua tambuile muvila ua vu ngamba, na yikeye va mu themene muchifua cha muntu. Na ku muuana mu chifua cha lyala, ⁸ ua lihakele ku vu ndende na kuononoka ku kutca, nambe kutca ha chiti cha kulindakana! ⁹ Ngocho vene Kalunga lalo ua mu hakele ku vu kama vua kutuvakana, na kumu hana lidhina liye lya ku tuvakana madhina oshe, ¹⁰ ngocho mulidhina lya Yesu mavuli oshe aka tongama, vili muilu nevi vili hantci na viye vili muintci lya hantci, ¹¹ keho vindaka vyoshe vika litava ngechiye Yesu Kilistu yikeye Muene, ku vungulu vua Kalunga Yishe. ¹² Ngocho vene, vaka chidhango change, ngue yeni muna tamunuka ntcimbu yoshe, keti omo lika njiliko, vuno vuovuno mua kutuvakana omo nji uahiko, pangeni ku vuovoke vueni na lyova na ku ngangama. ¹³ Muomu Kalunga yikeye apanga mulyeni voshe chidhango na vipanga muomu vya liyango lyendi. ¹⁴ pangeni vyoshe na kuyeneka kuli nyenyeta ndi vimpata ¹⁵ linga mu kale vaka kuyela muyeneke ku mipaya na ku vungulu, vana va Kalunga vaka kuyeneka chipenga ha kati ka chikota cha ku henga na ku vihya, ha kati kavo vami mona ngue cheke cha hano hantci, ¹⁶ mu ku va tangekela lijui lya muono ngocho njika kala nevi vya kuli hametha navyo ku litangua lya Kilistu ngechiye ku nja shatukile ngocho ndi kupanga ngocho. ¹⁷ vuno nambe nga ange vana njimbalumuna ngue chikombelo cha ku kombelela na vipanga vya kutcelela kuove, njina shangala na kuyolela hamo lika neni voshe. ¹⁸ Keho ngechiye vene yoleleni lalo na ku shangala hamo lika nange. ¹⁹ Vuno njina tcelela muli Muene Yesu ku tuma Timoteo kuli yeni mjualolo linga ange lalo nji mone kulembedheka muye nji ka dhivuka ku kala kueni. ²⁰ Muomu konja kele na muntu ueka ua mbunge yimo nange akome mbunge omo kukala kueni. ²¹ Muomu voshe va yongola vyuma vyavo, keti vyuma vya Yesu Kilistu. ²² Vuno eni muna dhivuka vati na futu, muomu ngue muna apangela yishe, linga endi apange nange mu mualolo ua chili. ²³ Nji na tcelela kumu tuma yikeye mualolo ngue nji tala vati vyuma vikenda mumo lika nange. ²⁴ Vuno njina tcelela muli Muene ngechiye ange vavenya lalo njikenja ntcimbu yayindende. ²⁵ Vuno njiyongola ngechiye cha nji vuahela mu ku mitumina Epafolonditu. Yikeye muna nana na muka vipanga mukuetu na mu ka ndhita na mukuetu, na kanganda ueni na ngamba muomu vinja yongola. ²⁶ Muomu yikeye ali na malungiya kuli yeni na yikeye uomine mbunge mu ku kala neni voshe, muomu uovuile yeni ngechiye ua vavalele. ²⁷ Muomu chili vene ua vavalele ha muhyehi na kutca. Vuno Kalunga yikeye ua kele na ngodhi kuli yikeye, keti kuli yikeye lika, vuno nange lalo, linga keti nji kale na vuthiua ku vuthiua. ²⁸ Ngocho vene njina mutumu vuathi, linga muye muka mumona lalo muka yolela, na ku kala na vuthiua ua vundende. ²⁹ Ngocho vene, mutambuleni muli Muene na liyango lyoshe. Keho thingimikeni vantu ngue yikeye. ³⁰ Muomu omo vipanga vya Kilistu ua kele muhyehi na kutca. Ua kovelethele muono uendi muku njihana viye vinja yenekele ku vipanga vyeni ku lyange.