¹ Mu ku manetha, va muna nana, yoleleni muli Muene. Muomu ange mu ku thona vyuma vimo lika kuli yeni, ka vi kanjihana mulonga vuno kuli yeni vya vuaha. ² Dhangameni muomu tutali vaye. Dhangamenimuomu vaye vaka kupanga mulonga. dhangameni muomu vaka kulilovola. ³ Muomu yetu tu na kala vaka kulovoka, va ka kulemetha mu Mpundhi ya Kalunga, na ku lihametha muli Kilistu Yesu, na ku kutcitu kutue kutcelela ko. ⁴ Nambe ngocho, yange vavenya nji ne kuatha kutcelela mu vu tcitu. Nga umo ueka chamu vuahela ku tcelela mu vu thitu, nambe yange njika tuvakana. ⁵ Nja lovokele ha litangua lya mu chitanu na atatu, nja yandethele vantu va Yisaleli, va ku mushovo ua Mbenjami, ka Hevelu ua va Hevelu; ku viye vya ku lishiko , va Faliseo. ⁶ Ngue muomu zeal, nja yandethele mbunga yaku chikungulukilo; ngue muomu kutcelela muintci lya lishiko, ange kanja muene mulonga. ⁷ Vuno viye vya kele nganyo kuli yange , vikevyo vinja tambuile ngue vya kudhimbala muomu lya Kilistu. ⁸ Chili vene, njina tande vyuma vyoshe linga vidhimbale muomu kutuvakana muakama kua ku dhivuka Kilistu Yesu Muene uange. Muomu yikeye nja muene kutca kua vyuma vyoshe, keho nja vitandele ngue vishualukuta- linga nji uane Kilistu ⁹ keho va nji uanene muli yikeye, keti na vungulu vumo vuange, vuye vua ku majui alishiko, vuno vuye vuli ha ku tcelela muli Kilistu- ua kuvuha kuli Kalunga kuye kua kutcelela. ¹⁰ Linga nji mu dhivuke yikeye na ndhili ya kushituka kuendi na ku yanda kuendi, linga nji kale ngue yikeye ha kutca kuendi, ¹¹ nga hamo nji heta ku chishitukilo cha kutca. ¹² Keti ngue nja heta laya vyuma evi, ndi ngue nji na yanguluka, vuno nji shatukila kulutue nji ka mone nga njatha kukuata chiye cha na nji kuatele nacho Kilistu Yesu. ¹³ Vamuna nana, ka nji kulitanda ngue nja kuata laya. Vuno echi chimo njili na kupanga: Kuivala vika vili kunima na ku yombolola viye vili kulutue, ¹⁴ nji sha tukila kulutue kukumanethela ku chidhangametho cha ku thana kuye kua Kalunga muli Kilistu Yesu. ¹⁵ Ngocho vene etu voshe tuna kulu, tuka leni na vithinganyeka vyevi; nga ku vimo mbunge yeka echi lalo Kalunga aka mi yomboluelacho. ¹⁶ Vuno hoshe ho tua heta ha keho tuendeni ho. ¹⁷ Vamuna nana, kaleni vaka kunji temuinitha yange, keho taleni vaye vekuenda ngue yetu tua myethekela cho. ¹⁸ Vavengi venda- vakevo vutuna myambuluila ntcimbu yayingi, keho mualolo nji myambuluila na ku lila- ngue vitodhi va chiti chaku lindakana. ¹⁹ Kuhua kuavo kutca. Muomu Kalunga kavo memo, na vungulu vuli na shuama. va yongola vyuma vya hantci. ²⁰ Muomu vundambo vuetu vuli muilu, kukekuo lalo tutatela Muovole, MueneYesu Kilistu. ²¹ yikeye aka panga mua muha muvila ua kuvihya kuetu linga uka lifue na muvila ua vungulu vuendi ngue ku kupanga kuendi atha kuononuetha vyuma vyoshe kuli yendi vavenya.