¹ Chikele kuli vaye voshe vathinganyeka vya kuvihya, kuli vaye vathinganyeka ha mihela yavo kupanga vya kuvihya. Mu chimene cha litangua vakevo va vipanga muomu vali na ndhili. ² Vakevo va yongola mehya na ku va luitha vakevo; vakevo va yongola vinjivo na ku vitambula kuli vakevo. Vakevo va thininika lyala na njivo yendi, lyala na ku hinga kuendi. ³ Ngocho vene Yehova ua handekele evi nguendi, ''Taleni, kuva njivo njika eyi njithinganyeka mulonga umo, ku vukevo ku muka tunditha vintcingo vyeni. Nambe luenda na ku lishangala, muomu yino ntcimbu ya kuvihya. ⁴ Ku litangua liye vantu vakemba lidhina na lidhina lya ku jujuitha yeni na ku linyenga chinyengo cha vuthiua. Vakevo vakemba nguavo, 'Etu va Yisaleli tuna tcilila na kuvihya; Yehova atengulula vihanda vya vantu vange. Vati aka endi aka vitunditha kuli yange? Ua tambuile mutambela ua lihya kuli muka vungungu!''' ⁵ Ngocho vene, eni vantu vaka kufuka kumu ka kala na mushovo muku hangununa mihela ya yingi mu mbunga ya Yehova. ⁶ ''Keti muka polofete.''vupolofeto vuavo vu handeka nguavo. ''Vakevo keti vapolofete vyuma evi; mulonga ko uka kovela kuli yetu.'' ⁷ Kuatha chili va chihandeke nguavo, njivo ya Yakomba, ''Yehova na keha ndi? Evi vikevyo vipanga vyendi ndi?''Keti majui ange apanga vya chili kuli umo uye enda mu vungulu ndi? ⁸ Kunima vantu vange vana shitukile ngue vaka chidhindo. Eni mua kutile mukole, na ntanga, ku voshe vaye va hita vaku yeneka kudhivuka, ngue mukandhita a hiluka kutunda kundhita kuye vathinganyeka nguavo vika va takametha. ⁹ Eni mua shingile vakentu vidhala kuli vantu vange kutunda ku vinjivo vyavo vya ku vuaha; eni mua tambuile vufuko vuange kutunda ku vanike vavandende vavo ku myaka kuye kulenga. ¹⁰ Katuka na kutha, muomu ou keti muhela umo uye uatha ku huima, muomu lya kuyeneka kutoka kuacho; ukeo vana vana uviyitha hamo na milonga ya kushula. ¹¹ Nga umo enja kuli yeni mu mpundhi ya kuvihya na vishaki na ku handeka nguayo, ''Nji ka polofeta kuli yeni vya vinyu na ku nua kua kama,'' endi vaka muhaka ngue ku kala kapolofeto ku vantu ava. ¹² Njika kunguiya chili vene voshe veni, Yakomba. Chili njika kunguiya vithupo vya Yisaleli. njika vahaka vakevo ngue vutanga vua vinjui mu mboyela, ngue vutanga mukati vulilo vuavo. Kuye ku kala mjyoyo ua kama muomu mbunga yakama ya vantu. ¹³ Umo uye apokola ashokolola ngila yavo vakaya kulutue vya vakevo. Vakevo vapokola chikolo na ku tuhuka; Muene uavo ahita kulutue lyavo. Yehova aka kala ku mitue yavo.