¹ Eli likelyo lijui lya Yehova liye lye dhile kuli Mika ua Moleshete mu matangua a Yotame, Ahaze, na Hezekia, vimyene va Yunda, vaye yendi uamuene kushuama Samalia na Yelusalema. ² Tolilileni, yeni vantu voshe. Tolilileni, hantci, na viye vyoshe vili muli yeni. Linga Muene Yehova akale mukaleho ueni, Muene kutunda ku tembele yendi ya kuyela. ³ Tala, Yehova a tuhuka mu muhela uendi; endi aka shelela na ku tumina ha mihela ya kuilu lya hantci. ⁴ Mikinya yika thothonoka kuintci lyendi; limbalanda lika hangunuka, ngue vyula kulutue lya tuhya, ngue mema aye uva na muanyena kuilu lya muhela. ⁵ Vyoshe evi muomu lya mulonga ua Yakomba, keho muomu lya mulonga ua ku njivo ya Yisaleli. Mulonga uka ua Yakomba? Keti va Samaliya ndi? Vika muhela ua laha ua Yunda? Keti Yelusalema ndi? ⁶ ''Njika panga Samaliya mukueyo ua ku viyitha ku viyitha mu mahya, muhela ua ua tapeka vinyu, keho nji ka muanyena yikeye mavue kushelela mu limbalanda na ku fuikula luvula luendi. ⁷ Vyoshe vyendi vya ku shonga vika pokodhoka mu vimbalavala, na ku tambula vufuko vuye vua tambuile yendi vuka mutcimika yikeye na tuhya, keho nji ka panga miyombo vungocho. Kutunda endi aka kunguiya vufuko vuendi kutunda ku fueto ya vukuidhi, vakevo vaka kala fueto ya vukuidhi lalo.'' ⁸ Muomu lijui eli njika lila na mbimba mutue; nji kaya myanja myanja na mushenga shenga; njika lila mbimba mutue ngue kangunga na ku lila ngue ka kulu. ⁹ Muomu Muomu mbandu yendi kuve ku yithaka, muomu yatunda kuli Yunda.Yina kuheta ku chikolo cha ku vantu vange, ku Yelusalema. ¹⁰ Keti uhandeke vya mu Ngate; keti uka lile na hamo hahi. Hali Mbete Leafera nje kulishinga yange vavenya mu likungu. ¹¹ Ku hita ko, muli vaka Shafile, mu mishenga shenga na shuama. vaka ku shuama Zanane keti mutuhuke.Mbete Ezele, muomu kuamena kuavo vana ku tambula ho. ¹² Muomu vaka ku shuama va Malote tateleni na ku thimpa ku mudhimbu ua chili, muomu kayando kana shelela kutunda kuli Yehova ku vikolo vya Yelusalema. ¹³ Halenese litemba ku mbunga ya Tukambe, muku shuama va Lakishe. Yeni, Lakishe, kuye ku vshangumukilo vua mulongavana va vakentu va Siyono, muomu kashaundu ka Yisaleli kaye kuva uanene muli yeni. ¹⁴ Ngocho yeni muka hana vufuko kuli Moleshete Ngate; ku njivo ya Akezimbe aka jujuitha vimyene va Yisaleli. ¹⁵ Njika neha lalo kuvula kuli yeni, vaka ku shuama va Maleshahe kushansangana kua Yisaleli ku kenja kuli Andulame. ¹⁶ Tevuleni mitue yeni na teta vinkambu vya vya vana muli uye yimua yongola. Lipangeni yeni vavenya ngue mitue ya ku yeneka vinkambu ngue chungu, muomu vana veni vaka kovela mundhita kutunda kuli yeni.