¹ Ku matangua aye Youano mu ka kumbuitika ue dhile na kuambulula mulimbalanda lya ngocho lya Yundeya, ² ''Tengulukeni, muomu vumuene vua muilu vuli muhyehi.'' ³ Muomu ou yikeye ua handekele nguendi, ''Na lijui lya muka kutambeka mulimbalanda lya ngocho, ' Vuayetheni ngila ya Muene, vuayetheni ngila yendi.''' ⁴ Mualolo Youano vavenya ua kele na vidhala vua maka a ngamelu na muiva ua chikanda mu mbunda yendi. Vya kulya vyendi vya kele vimbimba na vuki vua mu muthenge. ⁵ Keho Yelusalema, Yundeya yoshe, na ku membo oshe amandende na chifuti choshe cha lihata na Ndonga ya Yondau ua yile hanja kuli yikeye. ⁶ Va va mbuitikile ku li yikeye mu Ndonga ya Yondau, mu ku litavela milonga yavo. ⁷ Vuno muye mua muene va Faliseo na va Sanduseo va vengi vedhile kuli yikeye mu ku va mbuitika, endi ua handekele kuli vakevo nguendi, ''Eni mbuto ya mambuambua, yiya na mi nangula kuteua vukalu vuye vukenja ndi? ⁸ Ngocho vene yimeni vushuka uye vuna vuayela kuli tengulula. ⁹ Keti mu livange ku lileka yeni vavenya, 'Tuli na tata yetu Avilahama.' Muomu njina handeka kuli yeni ngechiye Kalunga atha ku shitula vana va Avilahama nambe kumavue ano. ¹⁰ Keho mualolo vene ngimbu va na yi kambeka laya ha midhi ya viti. Ngocho vene chiti choshe kochimi vy ua chili va ka uteta mo na ku umbila mu tuhya. ¹¹ Ange chili nji mi mbuitika mu mema ku muetha ku tenguluka kua vimbunge. Vuno uye akenja kunima yange na nji tuvakana kundhili nambe vi nkuaku vyendi ko nji ka vyatha ku vyambata. Yikeye aka mi mbuitika mu Mpundhi Yakuyela na mu tuhya. ¹² Sheua yendi yi li mulivoko lyendi aka pekula nalyo mua chili ha chiyunguilo chendi keho tiliku yendi aka yihinguilila mu chishete. Vuno muyungu aka u tcimika na tuhya vaye ko ve kudhima.'' ¹³ Keho Yesu ua tundile ku Ngalileya ue dhile kuli Youano ku Yolondau linga amu mbuitike. ¹⁴ Vuno Youano ua yonguele ku muvyana yikeye, na kuhandeka nguendi, ''Njina vuayela kunji mbuitika kuli yove, keho uli na kuinja kulyange ndi? ¹⁵ Yesu ua kuanyene na ku handeka kuli yikeye nguendi, ''Nji tave mualolo, muomu cha chingulu linga tupuithe mo vyoshe vya vingulu.'' Keho Youano ua mutavele yikeye. ¹⁶ Kunima endi vana mu mbuitika, Yesu ua tuntukile mumema vuathi vuathi, keho taleni, na lilu lya shokolokele kuli yikeye. Endi ua muene Mpundhi ya Kalunga ya shelelele ngue nkuti na ku tulila hali yikeye. ¹⁷ Taleni, lijui lyandile muilu na kuhandeka ngualyo, ''Ou yikeye Munange yinja yongola. Ua njiya ku mbunge.''