¹ Yesu na vandonge vendi mu va hetele muhehi na Yelusalema, vedhile ku Mbetefanje, ku mukinya ua Oliveta, keho Yesu ua tumine vandonge vavali, ² nguendi, "Kayeni muimbo lya ku shuama ko, keho mu ka uana chindongi u va na kutu, a li na muna chindongi. Yemu ka va vutule mu ka va nehe ku lyange. ³ Nga umo a ka mi hula, ka kuanyeni ngueni, 'Muene a vi yongola,' haye vene a ka mi hana vo." ⁴ Vyoshe evi vya yombolokele mu ku hetetha mo viye vi va kuanyene ku hitila mu va polofeto, nguavo, ⁵ "Lekeni muna mukentu ua Siyono, ngueni, 'Tala Muene uove youenja ku lyove, na li kehetha, na londo ha chindongi_na ha muna chindongi."' ⁶ Keho vandonge va yile na kupanga ngue mua va lekele Yesu. ⁷ va ka nehele chindongi na munendi keho va hakele vintanga ha muongo ua chindongi, keho Yesu ua tumamene ho. ⁸ Vantu vavengi valele vintanga vyavo mungila, vamo va pokuele mintango ya viti na ku vyala mungila. ⁹ Keho vantu voshe vaye va kele kulutue lua Yesu na vaye va mu shuamene va tambakanene nguavo, "Ozana kuli muna Ndaviti! Va mu shangale uye enja mu lidhina lya muene! Ozana muilu!" ¹⁰ Mua kovelele Yesu mu Yelusalema, limbo lyoshe lya nyangumukile keho nguavo, "Yiya ou?" ¹¹ Vantu nguavo, Ou yikeye Yesu ka polofeto ua ku Nazaleta mu Ngalileya." ¹² Keho Yesu ua kovelele mu tembele. ua shekele mo voshe vaye va landele na ku landethela mo, na ku uithanga vitafula vya va ka ku chinja vimbongo na vitumamo vya vaye va landethele vi nkuti. ¹³ Ua va kuanyene nguendi, "Vana thono nguavo, 'Njivo yange va ka yi thana nguavo njivo ya malombelo,' vuno eni muna yi puitha ngue njivo ya vidhi." ¹⁴ Keho tu puputua na vilema vedhile ku lyendi, ua va kambekele. ¹⁵ Vuno va kuluntu va vasasendote na vaka mathona mu va muene a panga vi komoketho, nomu mu vo vuile vanike va tambakana mu tembele nguavo, "Ozana kuli muna Ndaviti," va kele na vukalu vua kama. ¹⁶ Va muihuile nguavo "Unovu ko vi va kuanya?" Yesu nguendi, "Yii! Vuno eni ku mua tandele ngueni, 'Mu ka vuahethela vishangala mu tunua tua vanike na tu mbututu tua ku mavele'?" ¹⁷ Keho Yesu ua va thile keho ua tuhukile mu limbo na kuya ku Mbetaniya kuye kua ka kele vutciki vuoshe. ¹⁸ Ngocho ku chimene mua hilukile ku limbo lyakama, uo vuile njala. ¹⁹ Ku mona chiti cha mukuyu ku nchongo ya ngila, ua yileko vuahi ua ka uanene ko kuvanga vimaho lika. Ua kuanyene nacho nguendi, "Na litangua limo lyahi lalo lyukema vushuka," oho vene chiti chomine. ²⁰ Mu va vi muene va ndonge vendi, va komokele na ku kuanya nguavo, "Vati chi nomu vuathi echi chiti?" ²¹ Yesu ua va limbuilile nguendi, "Vuchili nji mi leka, nga ku mu tcelela na vimpata vyahi, ku mu ka panga evi vi na yombolokela chiti echi lika, vuno nambe mikinya mu ka yi leka ngueni, 'Tunda hano linga va ka kumbile mu Kalunga ndonga,' keho vi ka yomboloka. ²² Nkala vyoshe vi mu ka lomba, na lutcelelo, mu ka vi uana." ²³ Yesu mua kovelele mu tembele, vasasendote vakama na vakuluntu va vantu vedhile ku lyendi ngue mua kele na ku longetha keho va handekele nguavo, "Ndhili muka u pangetha vyuma evi, na yiya na ku hana ndhili yacho?" ²⁴ Yesu ua va kuanyene nguendi, "Nange lalo nji mi hula ko lihula limo. Nga mu nji leka, nange nji ka mileka ndhili yi njili na ku pangetha vyuma evi. ²⁵ Ku mbuitika kua Youano_kuiko kua tundilila? Muilu ndi ku vantu?" Va li yongele, nguavo, "Nga tu kahandeka nguetu, 'Kua tundilila muilu,' a tu leka nguendi, 'Vika ku mua mu tcelelelele?' ²⁶ Vuno nga tu mu leka nguetu, 'Kua tundilila ku vantu,' tu teua vantu, muomu va ka mona Youano ngue kapolofeto." ²⁷ Keho va lekele Yesu nguavo, "Ku tu dhivuka ko." Keho ua va lekele lalo nguendi, "Nange ku nji mi leke ndhili yi nje ku panga nayo. ²⁸ Vuno vika mu thinganyeka? Lyala ua kele na vana vavali va vamala, ua yile kulyo uye ua ku livanga nguendi, 'Munange, ya ka pange mu lihya.' ²⁹ "Munendi nguendi, 'Ange ku nji yi ko,' vuno ku nima ua li huile mu mana endi keho ua yile. ³⁰ "Keho lyala ua yile kulyo uye ua mu chivali ua kamu tuma lalo ngue uye ua kulivanga. Yikeye ua mu tava nguendi, 'Nji ya lika, tata,' vuno ka yile ko. ³¹ Yiya hakati kavo ua pangele chidhango cha yishe?" Nguavo, "Ua kulivanga." Yesu nguendi, "Vuchili nji mi leka, va ka ku tambula lithimu na vikuidhi va ka kovela mu vumuene vua Kalunga umba yeni. ³² Muomu Youano uedhile mu ngila ya lutcelelo, vuno ku mua mu tcelelele.Vuno va ka ku tambula lithimu na vikuidhi vya mu tcelelele. Vuno eni, nambe mu mua vi muene, ku mua tengulukile na ku mu tcelela. ³³ "Tolileni ku chithimo chikuavo. Kua kele lyala umo, vavenya limbo. Ua tombekele lihya, uatungilemo lalo njivo yakulaha, keho uayi hanene kuva ka lihya, vavenya keho vavenya lihya uayile vungendhi. ³⁴ Keho muye ntcimbu muyahetele yakuhya vushuka, keho ua tumineko vaka kupanga vendi ku vaka lihya, vakatambule vushuka vuendi. ³⁵ Vuno vaka kupanga ku lihya vakuatele ndungo umo va mupupile, mukuavo vamu tcihya, keho mukuavo va mupupile mavue. ³⁶ Kutunda haye lalo uatumine vandungo vavengi, kutuvakana va kulivanga. Navo vaku vapangele ngue vakuavo. ³⁷ Mu ku manethela ua tumine munendi uendi vavenya, ua handekele nguendi, "Munage vaka muvuila lyova.' ³⁸ "vuno muye vaka kupanga ku lihya vamuene mona enja, vali handekethele umo na mukuavo nguavo "yikeye muka ku hinga nou, tuyeni tumu tcihye linga tuhinge vufuko vuendi. ³⁹ " keho va mukuatele va mumbilile hanja lya lihya, vamutcihile. ⁴⁰ Mualolo vavenya lihya mua kenja, vika akatha kuvapanga kuli vaye vaka kupanga mu lihya?" ⁴¹ Keho vahandekele kuli yikeye nguavo,"Aka vihitha vaye vantu vakuvihya, naku lihana lihya kuli veka, vantu vaye vaka muhana yikeye mbuto ntcimbu yaku kunguiya." ⁴² Yesu ua handekele navo nguendi, "Ko muatandele vya mathona ndi? "Livue liva vyanene vaka kutunga lina kala livue lyamu mbango. Evi vya tundile kuli Muene, vikevyo vyaku vuaha kumesho etu'? ⁴³ Ngocho vene njihandeka kulyeni nguange, 'Vumuene vua Kalunga vaka vutundithako kulyeni, na ku hana kumushovo uye ukapanga vushuka. ⁴⁴ Uye uoshe aka uila halivue lino likamu tavola muvimbalavila. Vuno nkalauoshe lika uila livue lika muthanyona." ⁴⁵ Muye sasendote uakama nava Faliseo vovuile chithimo chendi, vadhivukule uahandekele vya ku li vakevo. ⁴⁶ Kuyongola kumukuata, vakele na lyova lyambunga, muomu vantu vamuhakele ngue kapolofeto.