¹ Nambe lyuvathano lya kulivanga lyakele namashiko muomu muku lemetha na muhela ua hantci. ² Muomu va vuayethele tembele. Munjivo yaku livanga, muye yakele lambi, nametha, na kuvimbolo viye vili kuchihanga, vamutumbula muhela uakuyela. ³ Kunima yantanga yiye yamuchivali yakele munjivo yatembele, yakutumbula muhela uakama uakuyela. ⁴ Yikeye uakele mutula ua olu muomu hakutcimika vihemba. Yikeyo lalo yakele chikatha cha chalyuvathano, yiye va fuikile na olu. Mukati muakele olu ya mbolo ya mana, namu lamu ua Alone uye uatuikilile vintemo, na vitale vya lyuvuathano. ⁵ Keho helu lyachikatha ya lyuvuathyano, vungulu vua fuikile vithithimba vyavo muhela ua ngodhi, vyuma viye kutuatha vuovuno kukuanya muchimo na chimo. ⁶ Munima ya vyuma viye viva uayethele, va sasendote ntcimbu yoshe vaka kovela munjivo ya hanja lya ngeleka muku panga vyavo. ⁷ Vuno sasendote uakama ua kovelele munjivo ya muchivali, lumolika munkala muaka, kuvanga na maninga aye akeo aku kombeleya muomu yendi vavenya muomu vantu vana viyitha mulonga. ⁸ Na Mpundhi Yakuyela yituleketha, ngachiye ngila yaku muhela ua kuyela kanda yiyomboloka, omo tembele yiye yaku livanga yemana. ⁹ Yikeyo yina kala chimuetho cha ku ntcimbu ya mualolo. Na kumashiko ayo vakombeleya vuana-navikombelo vikevyo kavyatha kutantuluitha mbunge yamuka ku lemetha. ¹⁰ Vina kala lika hamo na vyakulya na vya kunua na vya kutana vyeka na vyeka, muomu mashiko aku muvila noho ntcimbu ya yiha. ¹¹ Kilisitu uedhile ngue sasendote uakama ua vyuma vya kuvuaha viye vikenjako. Hatembele yiye yatuvakana kuhama na kutantuluka. Keti ya kupanga na mavoko, yimo yakuyeneka , kayakundamene kukupanga chifuti chino. ¹² Keti vya maninga avi mpembe na vana vavingombe. Vuno namaninga endi vavenya, ua kovelele mo lumo lika ku ntcimbu yoshe mumuhela uakuyela, muana tambula kuovoka kua kumyaka yoshe. ¹³ Muomu nga maninga avi mpembe na vingombe na vinkombe nalito lyatuhya. Mova thampuila nalyova yeva na juala, nga mukutoketha vuthitu. ¹⁴ Keho maninga a Kilisitu, uye na likombeleyele na kuhenga chahi kuli Kalunga hali Mpundhi yiye kuye kuhua Keti akatuvakane kutoketha vimbunge vyeni kuvipanga vyakutca linga mupangele kalunga ua muono. ¹⁵ Muomu yikeye nakala lihako lya kulyuvathano lya lihya. Evi ngechiye, omo kutca chinenja, chaku tukula kuvi vulumuna viye lyaku lyuvuathano lya kulivanga, vaye vova nathana vakatambula nkuminyo yavivedhukitho kavyekuhua vyayaye. ¹⁶ Muomu kuye kuakala lyuvathano, Kuna pande kukala kutca cha uye ua chi shikile. ¹⁷ Muomu lyuvuathano lya kuhinga lili na ndhili haye hali kutca, muomu na hamo hahi lika vuahela omo umo uye ua li shikile nolo ali na muono. ¹⁸ Ngocho vene lyuvathano lya kulivanga kolyathele kukala kuye kuaku yeneka kupangetha maninga. ¹⁹ Muomu muye Mosesa ualekele vantu voshe mashiko, ngue muvatumbuile ku majui alishiko, uatambuile maninga avana vavingombe navimpembe, hamo namema na maka avinjui akuvenga ngengu, na ku myangela vavenya na ku vantu voshe. ²⁰ Keho ua kuanyene nguendi, '' Ano maninga alyuvuathano liye lyamishikile Kalunga.'' ²¹ Keho lalo tembele na vihondo vyoshe vya kupanga navyo, uavi myangelele vene namaninga aye. ²² Majui alishiko, njatha kuhandeka nguange. ''Vyuma vyoshe veku vitoketha na maninga, keho nga kuahi kumbalumuna maninga, keho nga kuahi kuechela milonga.'' ²³ Ngocho vene vyuma evi vina kala vya kutemuinina kua vyuma vya muilu linga va vitokethe nevi vikombelo vya tuthitu. Vuno vyuma vili muilu, navikombelo vya kutuvakana evi. ²⁴ Muomu Kilisitu ka kovelamo mumuhela ua kuyela ua kupanga namavoko ua kulifua na uye umo ua chili. Vuno muilu ua yomboloka mualolo kumesho aKalunga muomu yetu. ²⁵ Nambe lalo yikeye kayile ko muku likombelela vavenya ntcimbu yayingi, ngue sasendote uakama, ue kukovela mumuhela ua kuyela kumuaka na muaka na maninga, akeo keti endi vavenya. ²⁶ Nga chiye kuyanda ntcimbu yayingi kutunda hakupanga kua chifuti. Vuno mualolo lika hakumanethela vintcimbu nayomboloka mukutunditha mulonga muku likombelela vavenya. ²⁷ Keho ngue mova natumbula vantu kutca lumo lika, keho kukenja kupangula. ²⁸ Ngachiye lalo Kilisitu, mova namu kombelela lumo lika linga ambate vuava vavengi. Aka yomboloka ntcimbu yamu chivali, na mulonga uahi, vuno muomu ku vuovoke kulya vaye voshe vamu tumamena muomu yikeye.