¹ Vuno kuli vyuma vitu lina kuhandeka, lijui lyakama, tuli nasasendote uakama ua ngachiye, yikeye uatumama kulivoko lya chilyo lya chitumamo chavu Muene muilu. ² Ykeye ngamba ua mu muhela uakuyela, yatembele yiye yavuchili, yikeye ua yitunga, keti muntu. ³ Muomu voshe vasasendote vakama vana vahangula kukombeleya vuana, navi kombelo. Ngocho napande lalo akale nevi vyaku kombeleya. ⁴ Vuno nga uakele hantci, nga kakele sasendeto, kuvali laya vasasendote vaka kukombeleya vuana, ngue kumajui alishiko. ⁵ Vakevo vapange viye vinakele chimuetho namuchithithimba vya vyuma vya muilu, ngue Kalunga ua hanguile Mosesa muayonguele kutunga tembele, muomu nguendi, Tata, upanga vyoshe. Ngue kucheketho chiye chonja kulekele kumukinya. ⁶ Vuno mualolo yikeye natambula vipanga vya kutuvakana vuana vua, yikeye lalo nakala ngadhi yalyuvuathano ua kutuvakana navuana vua likelyo lyakutunda kumashiko akutuvakana navua. ⁷ Muomu nga lyuvuathano liye lyaku livanga lyakele hakupayela, nga kavathetelele muhela ueli lyamu chivali. ⁸ Muomu Kalunga uamuene mushovo mulonga, muahandekele ngue matangua enja mukemuo nahandeka, Muene. Monji kapanga lyuvuathano lyalihhya nanjivo ya Yisaleli, keho nanjivo ya Yunda. ⁹ Keti ngue monja pangele na vakuavo, ku litangua olyo monja vakuatele ku livoko mu kuvatuhula muchifuti cha Yngito. Muomu kavakele thimbu mulyuvuathano lyange, keho yange kanja vatalele lalo, nguendi Muene. ¹⁰ Eli likelyo lyuvuathano liye linji kapanga ku njivo ya Yisaleli kutunda kumatangua aye - muana handeka Muene. njika haka majui alishiko ange muvithinganyeka lyamana avo, na nge lalo njika thona mu vimbunge vyavo. Keho njikala Kalunga kavo, na vakevo vaka kala vantu vange. ¹¹ Keho kovakatha kulongetha muntu mukuavo vaka vifuti na kuli munayina, na kuhandeka nguavo, dhivuka Muene.' Muomu voshe vakanji dhivuka, kuli vamo vavandende noho kulyavaye vakama. ¹² Muomu njikavakalela ngidhi yaku milonga yavo yoshe, na ku milonga yavo kunjika vuluka lalo.'' ¹³ Mukutumbula eli lyuvuathano ''lyaliha,'' endi nalipuitha liye lyuvuathano lya kulivanga linga likale likuluntu, na vati linja lyakama na kukula, lili muhyehi mukuhua.