¹ Melekizendeke ua kele muene ua ku Salema, sasendote ua Kalunga muka kutuvakana vyoshe, ua yile na ku kaliuana-na Avilahama muye mua hilukile muakatcihile muene, na ku muvedhukitha. ² Kuli yikeye viye Avilahama ua pangele Chimo kulikumi kuvyuma vyoshe, yikeye ua kele ua kulivanga. Ngue kunkumbu yalidhina, Muene ua chili, keho lalo muene ua salema lyalanguluka. Muene ua chivovo.' ³ Yikeye kakele na yishe, nayina uahi, na chikota chahi. Matangua endi kashangumukile na muono uendi kaua huile, vuno yikeye ua lifua na Muna Kalunga, akala sasendote ua myaka yoshe kayekuhua. ⁴ Vuno yongoleni vukama vua muntu uye, kuli yikeye chana hana mukuluntu Avilahama chimo kulikumi vya viye vya chili vya uanene mundhita. ⁵ Keho chili vene vaye vana vaLevi vekutambula vipanga vya vusasendote, vali na lishiko lya kumajui alishiko kutambula chimo kulikumi kuvantu, kuva kuluntu vavo nambe vakevo vanatuhuka vatekulu va Avilahama. ⁶ Vuno Melekizendeki, uye kekutanda chikota chendi kuli vakevo, yikeye natambula chimo cha kulikumi kuli Avilahama. Keho navedhukitha uye alina lyuvuathano. ⁷ Vuno kuchitava kuvyana uye ua tuvakana ue kuvedhukitha uye ua mundende. ⁸ Keho hano vantu vekutambula chimo kulikumi, vuno vamo vambulula vukaleho nguavo muka kuovoka. ⁹ Keho ngue mutue kuhandeka. Levi, uye ue kutambula chimo kulikumi.Yikeye ua tambuile chimo kulikumi kuli Avilahama. ¹⁰ Muomu Levi ua kele mu muvila ua vakuku vendi muye melekizendeki ua uanene Avilahama. ¹¹ Vuno nga kutantuluka chakeleko kasasendote ua Levi (muomu vakevuo vantu vatambuile majui alishiko). Vika nakatukila sasendote ueka ua chifua cha Melekezendeki keti ua kutumbula ku chifua cha Alone. ¹² Muomu vusasendote vualuluka, Keho una pande lalo kualulula majui alishiko. ¹³ Muomu umo uye atumbula vyuma evi, ua kulihata kumu shovo uavo. Ukeuo na umo uahi napande kumutula. ¹⁴ Muomu tuna mono ngachiye Muene uetu ua themukile, na mushovo uye Mosesa kahandekele vya vasasendote vyahi. ¹⁵ Vika vitu kuanya nambe vuino chili vene, nambe kushungama muye kuchifua cha Melekezendeki kuka katuka sasendote ahinduka. ¹⁶ Yikeye vana puithamo. Keti kulishiko lya majui alishiko avuthitu. Vuno kundhili yamuono ua myaka yoshe. ¹⁷ Muomu vamuhanena vukaleho, nguavo ,ove usasendote uaku myaka yoshe, ngue kuchifua cha Melekezendeki. ¹⁸ Muomu vadhimangana lishiko lyalaya mulya vihya na kuvua kuahi. ¹⁹ Muomu majui alishiko katantu luithile vimo lyahi. Keho va neheleko kutalela chimo cha kutuvakana, ha chikecho tuli na kushuena kuli Kalunga. ²⁰ Keho omo kachitava kuvanga nachithingo. ²¹ Muomu vakevo chili vava puithile vasasendote nachithingo chahi. Vuno yikeye nachithingo chauye ua mutumbuile, nguendi, muene nalithingi. Nendi katengulukile una kala sasendote uakumyaka yoshe. ²² Ngocho hakeho Yesu nahilumuka chiuaneketho chalitavathano lya kutuvakana. ²³ Keho vakevo chili vakele vasasendote vavengi, muomu kava kele ho, muomu kutca kavathele kupanga vipanga vyavo. ²⁴ Vuno yikeye muali ntcimbu yoshe alina vusasendote kuvue kuhua. ²⁵ Ngocho atha kuohyela naha kumanethela vaye vashuena kuli Kalunga hali yikeye. Muomu yikeye ovoka ntcimbu yoshe na ku valombela. ²⁶ Muomu sasendote uakama ua ngechiye mutuyando tuetu, yikeye ua kuyela, Kakele na mulonga, na ku kutuvakana muilu. ²⁷ Yikeye kayonguele, ngue vasasendote vakama kukombeleya vikombelo kulitangua kulitangua, haku livanga muomu mulonga uendi, keho muomu mulonga ua vantu. Endi ua pangele lumo muomu viye vyoshe ua lihanene vavenya ²⁸ Muomu majui alishiko ahangula kuvantu vaSasendote vakama, vaka kuvihya, vuno lijui lyalishiko, liye lyedhile munima ya majui alishiko, lya hangula Mona, uaku tantuluka kumyaka yoshe.