¹ Muomu lishiko lya kala muchithithimba lika lya vuchili vua kulutue, keti chifua cha vyuma viye vavenya. Kumyaka yoshe kuatha kuahi na vikombelelo viye vimo lika kumuaka na muaka viye vi vakombelela ntcimbu yoshe, kavyatha kutantuluitha vaye vekushuena ko. ² Ambe keti ngocho nga vanalikela kuvikombelelo ndi? Muomu vaka kulemetha, movana kalaho ntcimbu yimo lika . Nga kavakele nachishoti omo mulonga uavo. ³ Vuno vikombelo viye vali nakuvuluka mulonga uavo kumuaka ku muaka. ⁴ Muomu maninga ankomba navingombe navimpembe akutunditha mulonga. ⁵ Ngocho yikeye muedhile hano hantci, ua handekele kuli Kalunga nguendi, yove ukasha vikombelo na milambu yatuthitu, vuno una njivuayethela muvila umo. ⁶ Navikombelo vya kutcimika vya mutuntu nevi vya kumulonga koua viyonguele. ⁷ Keho njahandekele nguange, 'Tala njinenja mu mukanda vana njithonena cho - mukupanga chidhango chove, Kalunga. ⁸ Ha kulivanga ua handekele nguendi, ''Vikombelo na vuana na vikombelo vya kutcimika vya muntu nevi vya mulonga viye koua yonguele. Nambe ua viyonguele viye vya kukombelela, viye vya nahana kushuama kumajui alishiko. ⁹ Keho nahandeka nguendi, ''Tala, njinenja muku panga chidhango chove.'' Aka tunditha chiye cha kulivanga, linga ashangumuke chiye chamu chivali. ¹⁰ Kuchidhango Omo Yesu Kilistu ua pangele evi vya muyonguelele Kalunga. Ua tuyelethele hakukombelela muvila uendi lumo lika tcimbu yoshe. ¹¹ Keho vasasendote voshe chili vemana kulitangua kulitangua na kupanga vikombelo vintcimbu vyadhingi vikombelo vimolika. Vikevyo kutunditha mulonga, kumyaka yoshe. ¹² Vuno yikeye muana kombelela chikombelo lumo lika ku mulonga, kumyaka yoshe ua tumama ku livoko lyachilyo lya Kalunga. ¹³ Kutunda hano natumama linga apuithe vitodhi vendi chilyato chavilyatelo vyendi. ¹⁴ Muomu na chikombelo chimo lika natantuluitha kumyaka yoshe vaye vana yele. ¹⁵ Keho Mpundhi Yakuyela lalo yambulula vukaleho kuli yetu. Hakulivanga nahandeka nguendi, ¹⁶ ''Eli lyuvuathano liye njika panga navo kutunda kumatangua aye, muana handeka Muene. Njika haka lishiko muvimbunge vyavo, na ku thona mumana avo.'' ¹⁷ Keho endi ua vuedhele ko, ''Milonga yavo na vivulumuna vyavo kunji ka vivuluka lalo.'' ¹⁸ Vuovuno kuye kuvechela evi, kuye ka kuakele kukombelela muomu mulonga. ¹⁹ Ngocho,vamuna nana, motuli nakuthimpa mukukovela mumuhela uakuyela hamaninga aYesu. ²⁰ Yikeye natushokoluela ngila yayiha yamuono, yakutuvakana ntanga yiye, yikeyo, ntcitu yendi. ²¹ Keho motuli nasasendote uakama kama kunjivo yaKalunga. ²² Tushueneni navimbunge vya vuchili mukushula na kutcelela, muku kala kua vimbunge vyetu yakuvihya, namivila yetu yina tana namema akuyela. ²³ Tukakateleni kulitavela kuaku kutcelela kuetu kuteua chili yemanga, muomu uye uatuithikile muku tcelela. ²⁴ Keho tuli yongoleni umo namukuavo linga tushangumuke chiyulo na vipanga vya chili. ²⁵ Keti tulikele kulikungulula hamo, ngue futidhi yavamo. Vuno tuli koletheni na kutuvakana navua momumona litangua liye lili na kushuena muhyehi. ²⁶ Muomu nga tuya nakupanga milonga nachidhango motuna dhivuka vuchili, keho chikombelo chacho cha mulonga chahiko. ²⁷ Vuno kuna lihono lika kuvandamena nalyo mukupangula, na vukalu vuatuhya vua kulyavitodhi. ²⁸ Nkala uoshe uye avyana lihsiko lya Mosesa akatca kulijui lya vakaleho vavali nambe vatatu, na ngodhi yahiko. ²⁹ Eni chika kala vati kumuntu uye ashaula Muna Kalunga, chihitho chakutunda_navuana vua uye china muvuahela ndi? Uye nalyatangela Muna Kalunga, keho natumbula maninga aye alyuvathano ngue vyuma vya kujuala - maninga aye akele akuyela - na kushaula Mpundhi ya kavumbi ndi? ³⁰ Muomu tuna mudhivuka uye nahandeka nguendi, ''Kulingula chakundama kulyange; yange njika lingula,'' keho lalo, ''Muene akapangula vantu vendi. ³¹ China kala chuma chaku ngangama na vuana vua ku uila kumavoko aKalunga ua muono. ³² Vuno vulukeni matangua aye alaya, muye muva mituililile cheke, mua yandele nandhita yakama yatu yando. ³³ Vakele na kumishaula na kumiyandetha vintcimbu vya vingi mutanya muilu kumesho avantu. Kuntcimbu yikuavo lalo mua yonguele kuli vandakana navaye vava yandethele muchifua chiye vene. ³⁴ Muomu muava tetelele vaye vakele muvitanga, keho mua yolelelemo vapuanjele vupite vueni. Muadhivukile ngachiye muli navupite vua kutuvakana. Navukevuo vukakala kala myaka yoshe kayekuhua. ³⁵ Ngocho keti mumbile kuti kuthimpa kueni, vaka mifueta nafueto yakama navua. ³⁶ Muna pande kukala vaka kuthimpa, nga munapange chidhango cha Kalunga, mu katambula nkuminyo. ³⁷ Muomu kuna lihono kantcimbu kakandende ndende muka kuinja enja, kaka kala ntcimbu. ³⁸ Vuno muka kuvuaha kuange akovoka ha kutcelela, keho nga ahiluka munima yikeye kanji yile kumbunge. ³⁹ Vuno etu keti tuvaka kuhiluka munima na kutca, vuno tua lihata kulya vaye vali na kutcelela mukuohyela myono yavo.