¹ Muomu sasendote uoshe uakama, uye yuvana tambula vantu, vana muhangula vantu kuvyuma vya Kalunga, linga akombeleye vuana, navikombelo vya kuvihya. ² Uye atha kupangula vipanga vya vindungo nava ka kushevuka, muomu yikeye namono kudheya. ³ Muomu kulyevi, yendi lalo napande kuhana chikombelo muomu cha mulonga uendi vavenya, ngue yendi na panga muomu lya mulonga ua vantu. ⁴ Keho naumo uahi nali hanguila kathingimiko muomu yendi vavenya. Nambe uye lika yanathana Kalunga, ngue Aloni. ⁵ Mungila yiye vene, nambe Kilistu kali hakele ku vungulu linga akale sasendote uakama. nambe uye nahandekele kuli yikeye na kuhandeka nguendi, ''Ove uMunange; litangua lyalelo njina kala nji Yisho.'' ⁶ Ngue mua nahandeka mumu hela ukuavo lalo nguendi, ''Ove usasendote ua kumyaka yoshe, kunima ya chifua cha Melekezendeke. ⁷ Yikeye kumatangua avu thitu vuendi, Kilistu ua lihanene ua lombele na kukandelela na mutambi uakama namishodhi kulya uye atha ku muohyela ku kutca, nomu vamuvuile vovuile lyova kuli kalunga. ⁸ Nambe yikeye ua kele Mona, uali longethele kuononoka kuvyuma viye vya yandele. ⁹ Endi vamu puithile ua kuvuaha na kukala, muomu kuli voshe vaye vamuononoka, muka vuovoke ka vuakuyeneka kuhua vuayaye. ¹⁰ Kalunga ua mutumbuile sasendote ua kama ua kuchifua cha Melekizendeke. ¹¹ Ahano vyavingiho vya kuhandeka, vuno vya vikalu kuvi langulula, muomu yeni kuvua vuino kuahi. ¹² Muomu ntcimbu eyi yayingi vyami vuahela ngachiye umo akale mulongithi, muomu vyami vuahela umo amilongethe viye vya vindende vya kulivanga vya ku majui aKalunga. Munatenguluka vaka kuyongola mahini, keti vyakulya vya kukola. ¹³ Muomu uoshe uye atambula mahini kadhivuka vuino lijui lyaku vuaha, muomu yikeye kambututu. ¹⁴ Vuno vyakulya vyakukola vina vuahela vaye vanakolo. Vaye vene mova napanga navo vali navuino vuavo vana dhangama vatha kuhangula vya chili nevi vya kuvihya.