¹ Evi vikevyo vya na nji leketha yange Muene Yehova. Tala, endi napanga limbimba lyungu muye nyondhi mbuto yi shangumuka ku tuhuka, keho, tala, cha cha kumanethela kunima cha kutya cha muene. ² Muye vamanethele kulya vimaho hantci, keho ange nja handekele nguange, ''Muene Yehova, njina kukandelela nji tundithileho,; vati Yakomba atha kuimana? Muomu endi ua mundende.'' ³ Yehova ua handekele kushuama evi. ''Ku vika yomboloka ,'' endi ua handekele nguendi. ⁴ Evi vikevyo vya na nji leketha Muene Yehova nguendi: Tala, Muene Yehova na tambakana ha tuhya ku pangua. Uo mithile hantci, na mema a kuintci-kuintci lya hantcikeho tua lile chifuti lalo. ⁵ Vuno ange nja handekele nguange, ''Muene Yehova, njina kandelela likele; vati Yakomba akemana cho? Muomu endi ngocho ua mundende.'' ⁶ Yehova ua thinganyekele kushuama evi, ''Evi kuvika yomboloka lalo,'' muana handekele Muene Yehova. ⁷ Evi vikevyo vya lekethele endi kulyange: tala, Muene nemana kulutue lya chivumbe, hamo na mukole mu livoko lyendi. ⁸ Yehova ua handekele kulyange nguendi, ''Amose, vika uli na kumona?'' ange nja handekele nguange, ''Mukole.'' Keho Muene ua handekele nguendi, ''Tala, njika haka mukole hakati kavantu vange va Yisaleli. Kunjika va yandetha lalo. ⁹ Na muhela ua laha ua Yisaka vaka u viyitha, na muhela ua va Yisaleli vaka u viyitha, keho njika katuka na njivo ya Yelomboame hamo na mukuale.'' ¹⁰ Keho Amazia, sasendote ua Mbetele, ua tumine lijui kuli Yelomboame, muene ua Yisaleli nguendi: ''Amose muali mukati ka njivo ya Yisaleli. Chifuti ku chatha kuambata majui endi oshe. ¹¹ Muomu evi vikevyo vya handekele Amose nguendi, 'Yelomboame akatca ku mukuale, keho Yisaleli chili vene yika ya mundhita kulahako kutunda kuimbo lyendi.''' ¹² Amazia ua handekele kuli Amose nguendi, ''Tuhuka, kaye, hiluka ku chifuti cha Yunda, keho kuye uka lya mbolo na ku polofeta. ¹³ Vuno keti upolofete lalo kuno ku Mbetele, muomu muhela ua muene na ku njivo ya muene.'' ¹⁴ Keho Amose ua handekele kuli Amazia nguendi, ''Ange keti njika polofeto ndi nji muna kapolofeto. Ange nji muntu ua kutakametha, keho nje kutakametha sycamole chiti cha vushuka. ¹⁵ Vuno Yehova ua njitambuile kutunda ku vutanga na ku handeka kuli yange nguendi, 'Kaye, polofeta kuli vantu vange va Yisaleli.' ¹⁶ Mualolo tolilileni lijui lya Yehova. Eni mua handekele ngueni, 'Keti uka polofete kuli va Yisaleli, keho keti uka handeke ku njivo ya Yiaska.' ¹⁷ Ngocho vene evi vikevyo vya handekele Yehova nguendi, 'Mukentu uove aka kala chikuidhi muimbo lyakama; vana vove vavamala na vana vove vavakentu vakaua ku mukuale; chifuti chove vaka chimeta na ku chitepetha; yove uka tca mu chifuti cha kuyeneka kutoka, keho Yisaleli chili vene akaya ku ndhita kutunda ku chifuti chendi.''''