¹ Chikele ku voshe vaye vana dheye mu Siyono, na kuli voshe vaye vana vuahelela mu mukinya ua ua Samaliya, na vantu vaka thingimiko ka kama kumushovo, kuli uye akenja ku njivo ya Yisaleli muku kuatha! ² Vantuama veni va handeka nguavo, ''Kayeni ku Kalene na ku tala; kutunda kuye ya ku Hamate, limbo lyakama kama; keho shelela ku Ngateya Filisitine. Vakevo hasha kutuvakana vimyene vivali ndi? Vingamba vyavo vyakama kutuvakana vingamba vyeni ndi?'' ³ Chikele ku voshe vaye vahaka litangua lya kayando na ku panga chitumamo cha muyoyo chinja muyehi. ⁴ Va kotha ha mihela ya vikanda na kutumama ha vitumamo vyavo vya chili. Valya mbunda vinjui kutunda ku vutanga na vana vangombe kutunda muhambo. ⁵ Vakevo vemba madhina a vuheve ku madhina a lumbendo; va thika vikuata ngue Ndaviti vya pangele. ⁶ Vakevo vanua vinyu yitunda ha malonga na ku vuavetha yavo vavenya hamo na madhi a chili, vuno vakevo ku va lilile kuviyitha kua Yosefe. ⁷ Ngocho vakevo mualolo vaya ku ndhita hamo lika na ndhita ya kulivanga, keho na chiuano cha voshe vaye vatumama vika hitakana. ⁸ ''Yange, Muene Yehova, nja lithingile yange vavenya_evi vkevyo vihandeka vya Yehova, Muene ua vimbunga, nja dhinda va vukama va Yakomba; nja dhinda vaka ndhita vendi. Ngocho vene nji ka hana limbo lyakama hamo lika na vyoshe viye vili muli yikeyo.'' ⁹ Vikenja vya viye nga vamala likumi vaka thala munjivo yimo, vakevo vaka tca voshe. ¹⁰ Muye va vushoko vendi ndi uye umo a tcimika yikeye a tambula vitciha ku njivo_muye endi a handeka kuli muntu mukati ka njivo nguendi, ''kuye uli ko naumo ndi?'' uye muntu aka handeka nguendi, ''Naumo uahi.'' Keho endi a handeka nguendi, ''Holoka kulu, muomu keti tu tumbule lidhina lya Yehova.'' ¹¹ Muomu, tala, Yehova aka shika, keho njivo yakama yika thivuka mu vimbalavala, na vinjivo vya vindende ku dhimangana. ¹² Tukambe veku shatuka ha mavue ndi? Kuali umo umo ue pulula kuye hamo na vingombe ndi? Ndi una tengulula kuvula ku vushungu na vushuka vua vuchili ku kushasha_ ¹³ Yeni vaye mu yolela ku Lo Ndembale, uye a handeka nguendi, ''Keti tua tambuile Kalenaime ku ndhili yetu vavenya ndi?'' ¹⁴ ''Vuno tala, ange nji ka hindula ndhita kulyeni mushovo, njivo ya Yisaleli_evi vikevyo vihandeka vya Yehova, Muene ua vimbunga. Vakevo vakevo vaka mithindiya yeni kutunda ku Lembo Hamate ku ndonga ya va Alamba.''