¹ Tolilildni ku majui aa, eni vingombe vya Mbashane, yeni vaye muli mu mukinya ua Samaliya, yeni vate mua yandethele vihutu, yeni vaye mua thanyuine viyongola, yeni vaye mua handekele kuli vamala veni ngueni, ''Tuneheleni ko vya kunua.'' ² Na Muene Yehova ua lithingile ku vumuene vuendi nguendi, ''Tala, na matangua akenja akenja hali yove muye muva ka tambula ko yove hamo na vihake, va kumanethela veni na viloveletho. ³ Mu kaya hanja kuhita na kupokola mu vivumbe vya membo akama, nkala umo ueni akaya kushungama likelyo, keho vaka kumbila hanja kulutue lya Halemone_evi vkevyo vihandeka vya Yehova. ⁴ ''Kaye ku Mbetele na ku panga mulonga, ku Ngilangele na ku lanetha milonga, neheni likumiyo lyeni nkala chimene, chimo cha kulikumi cheni nkala matangua atatu. ⁵ Haneni likumiyo lya ku shangala hamo na mbolo; ambululeni kumanguluka kuhana; vilekeni vikevyo, muomu evi vikevyo vimja yongola ku panga, eni vantu va Yisaleli_evi vikevyo vihandeka vya Muene Yehova. ⁶ Ange nja hanene kutoketha kua madho mu membo oshe akama na ku yeneka mbolo mu mihela yeni yoshe. Nolo kumua tengulukile kuli yange_evi vikevyo vya handekele Yehova. ⁷ Ange lalo nja mihele nyondhikuli yeni muye kuye kua kele vingonde vitatu muku tya. Nja hakele yikeyo kunoka ha limbo limo lyakama, na ku haka yikeyo keti yinoke kuimbo likuavo lyakama. Chimbalavala cha chifuti chimo chikuavo cha nokele, vuno chimbalavala cha chifuti kuye ku kuanokele kua kele kua kuma. ⁸ Membo akama avali ndi atatu aka leka membo akama akuavo ku kunua mema, vuno ku vaka kumua. Vuno eni kumua tengulukile kuli yange_evi vikevyo vihandeka vya Yehova. ⁹ Ange nja tumine mpundhi na mbundu. Na mbunga ya vipata vyeni, na mehya a vinyu eni, na viti vya vushuka vyeni, na viti viti vyeni vya oliva_ma mbimba vaka vilya vyoshe. Te eni nolo kanda mutenguluke kuli yange_evi vikevyo vihandeka vya Yehova. ¹⁰ Ange nja umine mavedhi hali yeni ngue hali Yingito. Ange nja tcihile vana vakuenje veni hamo na mukuale, hamo lika na vinkuati vya tukambe veni, na ku panga vya kunka ha vimbalaka vyeni kuinja kuilu lya mayulu eni. Nolo kumua tengulukile kuli yange_evi vikevyo vihandeka vya Yehova. ¹¹ Ange njombilile membo akama hakati keni, ngue muye Kalunga uo mbilile Sondoma na Ngomola. Eni mua kele ngue chiti chitunda mutuhya. Nolo eni kumua tengulukile kuli yange_evi vikevyo vihandeka vya Yehova. ¹² Ngocho vene njika panga vimo vya ku vihya kuli yeni, Yisaleli; keho muomu njika panga vya ku vihya kuli yeni, livuayetheleni ku mona Kalunga keni, Yisaleli! ¹³ Muomu, tala, yikeye uye apanga mikinya lalo apanga mpundhi, ayombolola vithinganyeka vyendi ku vantu, apanga mutangeko kukala mulima, na ku haka vilyato kuilu lya lya mihela ya hantci. Yehova, Kalunga ua vimbunga, likelyo lidhina lyendi.''