¹ Kwa mupititili yimbiti; pamugeti. Lipisarome lyaDaviti. Karunga Hompa wetu, ngoli vireru tupu omo lyafumana lidina lyoye mughudjuni naghuntjeya, ove kwa tura shikoda shoye muliwiru kundagha-ndagha. ² Mutunwa twavakeke nakuyamwa mo watura litamununo lya ghunankondo ghoye mukonda yavakankore ghoye, mposhi ghumwenedikide mukankore namukanyanya. ³ Nange ame ani kankuka nikenge kuliwiru lyoye, olyo darughana nyara doye, kakwedi nantungwedi, ovyo watura pamavango ghavyo, ⁴ kukoye muntu shininke munke ashi ghumughayadare, ndipo mona muntu ghuka mudingure? ⁵ Ove kwavarughana kwahupitako tupu kakadidi vadire kutika pavakaliwiru nakuvayenga nashikoda namfumwa. ⁶ Ove kwamurenka apangere virughana vyamavoko ghoye; Ove kwatura vininke navintje kuntji yampadi dendi; ⁷ Ndwji nadintje nangombe, rambangako navikorama vyamuwiya, ⁸ Vidira vya kuwiru, nantjwi damulifuta, nanavintjeya ovyo vyapitirango mundjira damafuta. ⁹ Karunga hompa wetu, weni tupu, omo lyanenepa lidina lyoye kunaghudjuni naghuntje!