Kuvampititi vamusika. Ntjumo davana vaKorahi vavakafumu; kupitira kwaAlamothi. Rushumo. ¹ Karunga ndje mupopeli wetu namunankondo wetu ghuye kumoneka kumaghudito ghakatere. ² Mpo ngolishi kapi ngatutjira, waronka ghudjuni ghukutjindje, nampiri ndundu ngadi ndundume mudimushima dalifuta, ³ mpiri ngoli ndjigho yamema ntani ghugara, ntani nampiri ngoli ndundu kundunduma nakundundu

S Sela

S*

⁴ Mpoghuli mukuro watumukuro two twatulitopo ruhafo munkurumbara yaKarunga, livango lyakupongoka oko vakaranga vavanene. ⁵ Karunga mpwali mukatji kend; kwato ngavi mughupopo; Karunga ngamuvatera, ntani ngakirugha mukulya kuvaliyuva ngurangura. ⁶ Dimuhoko ghadigarapa, ntani virongo ghavikunyungu; ghashuku liywi lyendi, ntani livhu ghaliyengumuka. ⁷ Karunga wavakareli natwe anakara; Karunga waYakobu ndje mupopeli wetu.

s Sela

S*

⁸ Yiya, mukukengurura virughana vyaHompa lidjonaghuko lyo ghayititapo palivhu. ⁹ Ghuye kushayikita vita kughura wapalivhu; ghuye kutjora ngumba ntani nakuteta lighonga maruha namaruha; ghuye kushora vikupopilita vyavo. ¹⁰ Mwena ntani yivashi ame Karunga; ngavankarera mukatji kadimuhoko; ngavankarera palivhu. ¹¹ Hompa wakukarerapo natwe anakara; Karunga waYakobu ndje mupopeli wetu.

s Sela

S*