Kuvampititi vamusika; kuhamena Shoshannimu. Ntjumo davana vaKorahi vavakafumu. ghuye nganga. Ngaro dashihoro. ¹ Mutjima wande mwamo kupupira palivango lyaliwa: Ngani vharura nkango odo nateda kuhamena Hompa ruraka rwande ndjo pena yamutjongi wakuku wapeka. ² Ove washetakana kupitakana mwanuke wakufanikita mukafumu, ndapero kupupira pangegho doye; mposhi ngoli tunayiva ashi Karunga ghakutungika naruntje ruvede. ³ Tura rufuro kuruha roye, ove wamunene, mughuntungi moye ntani naghuhompa ghoye. ⁴ MughuHompa ghoye pititire nalifundo lyoye mukonda yalihuguvaro lyalinene, ghunongo, ntani ghuhungami; lighoko lyoye lyakulyo ngalikushonga vininke vyakutjira. ⁵ Ngumba doye datjomotoka; vantu twima munda yoye; ngumba doye kwakara mudimutjima davankore vavaHompa. ⁶ Lipuna lyoye, Karunga, lyakarerapo naruntje nanaruntje; mpango yalitulitopo mpora ndjo mpango yamughudjuni. ⁷ Naholire ghushiri ntani nakunyenga ghudona; enengoli Karunga, Karunga ghoye, ghanakutungiki namaghadi gharuhafo kupitakana likukwatakano lyoye. ⁸ Marwakani ghoye naghantje kunuka yira mutondo, alve ntani kasia; mukupira kwa ghukenu mumbara limangero lyamarumbendo lyakuyitira ruhafo. ⁹ Vana vaHompa vavakamali navo kwakara yira vakamali voye wafumadeka; kurulyo rwoye rwalivhoko kunayimanako mukamali waHompa mumudwato wangorodo yaOfiri. ¹⁰ Tegherera, monawamukamali, tura mundunge ntani gharura matwi ghoye! Vhurama vantu vanaghumoye ntani mundi wavasho. ¹¹ Mundjira yino Hompa ngapanda ghuwa ghoye; Ghuye ndje mpititi ghoye; raperera kwendi. ^{12 13} Mona Tayeri wamukamali naye ngakarapo nakutapa mpandu; vavo ngavo mukatji kavantu voye ngavakukanderera muruhafo. vyuma vyendi kwavitenda nangorodo. ¹⁴ Ngava munegheda kwaHompa mumudwato waghuwa; vakudira kukara namukafumu, ovo vamukwamakwamango, ngavava kuyitira. ¹⁵ Ngava vapitira naruhafo ntani likushamberero; ngava ngena mumbara yaHompa. ¹⁶ Mulivango lyavasho ngamukara vanavoye, ovo ngavakaro munahompaghona muvirongo navintje. ¹⁷ Nganitura lidina lyoye ngavalivhuruke mudimuhoko nadintje; mpo ngolishi vantu ngava tapa mpandu koye naruntje nanaruntje.