Kuvampititi kurona vantjumo. Ngovera yavana vavakafumu vaKora. Nandapero. ¹ Twayuva namatwi ghetu; Karunga, shetu vatutantera ashi virughana munke warughanine mumayuva ghavo, mumayuva ghapakare. ² Washingire dimuhoko ditundemo nalighoko lyoye, enengoli matapekire vantu vetu; mwayuvitire vantu kukora, enengoli wahanitire vantu vetu mushirongo. ³ Enengoli kapi vavhulire kughupa shirongo mumpangeli yanaghumwavo namaghonga ghanaghumwavo, waronka nankondo danaghumwavo kapi davapopilire; enengoli livoko lyoye lyakalyo, nkondo doye, ntani shite shashipara shoye, morwashi wakalire vanakuhuguvara vavo. ⁴ Karunga, Ove Hompa wande. pangera lifundo mwaYakobu. ⁵ Mumoye ngatutindika vanyengi vetu palivhu; mulidina lyoye ngatuvalyatera kuntji, ovo ngava karo ghunankore natwe. ⁶ Mposhi kapi nganihuguvara mungumbu yande, ndipo rufuro rwande kapi ngarumpopera. ⁷ Enengoli watupopera kuvanankore vetu, ntani watura ntjoni movovatunyengo. ⁸ MwaKarunga twawanamo ruhafo mayuva naghantje ntani ngatu tapa mpandu mulidina lyoye naruntje kehepano.

sSela

⁹ Enengoli weno ghunatuvhukuma nakututunditako ntani watuyitira ntjoni ntani kapi wayendanga kumwe navakavita vetu. ¹⁰ Kuturenka tupirukire dimughongo detu kuvanyengi vetu; ntani vovatunyengo kukuvipita naghumwavho. ¹¹ Watutura yira ndjwi ghodo ngavadipagha ntani nakutuhanitira mudimuhoko. ¹² Ove kughulita vantu voye maghoko-ghoko. Kapi wavhukita ghungavo ghoye pakurughana vino. ¹³ Kuturenka tushwene vamusinda vetu, kutunyangita ntani kutushinda kovo vatukundurukido. ¹⁴ Watutwa tukare vanyengi mughudjuni, kupunga kumutwe mukatji kavantu. ¹⁵ Mumayuva naghantje ntjoni dande muruku rwande, ntani ntjoni dashipara shande damfika. ¹⁶ Mukonda yaliyumi lyendi lyakufinga nakutuka, mukonda yaghunankore ntani vakuvyuta rughoko. ¹⁷ Navintje vino kwaya kukwetu; ngoli kapi twakuvhurama ndipo mukushingononapo vipempa nampangero yoye. ¹⁸ Dimushima detu kapi dakushighura shimpe munyima; vinema vyetu shimpe kapi vyashwena kundjira yoye; ¹⁹ Enengoli watutjoraghura ghunene mumavango ghavambwava. ntani nakutufikilira nadimundunduma damfa. ²⁰ Ndi twavhurama lidina lyaKarunga wetu ndi po tughonyonone maghako ghetu kwakarunga wavipempa, ²¹ Karunga kapi ngashana ghushiri wavyo ndi? ngoli ghuye ghayiva vyovyahoramo mumutjima. ²² Vyashiri, mushitambo shoye mbyo vanakutu dipaghera kehepano. Kwatutura ashi atwe ndjwi dakudipagha. ²³ Rambuka, nkevyo wararanga, Karunga? Shapuka, washatukomberera. ²⁴ Nkevyo wahorekeranga shipara shoye ntani wavhurama marunyando ghetu ntani ghunankondo wetu. ²⁵ Enengoli ghature twayengumukira mumbundu; marutu ghetu ghakukwata kumwe nalivhu, ²⁶ Shapuka ghukare mupopeli ntani muyogholi mukonda yalikuyuvho lyo naghushiri ghoye.