Kuvampititi vamusika. Ntjumo davana vaKorahi vavakafumu. ¹ Kandenu maghoko ghenu, namuvantje nwe vantu; yighirenu kwaKarunga naliywi lyamukumo. ² Mposhi Hompa wapawiru ghuye kutjilita; ghuye Hompa wamunene palivhu. ³ Ghuye kughupa vantu munda yetu ntani dimuhoko munda yampadi detu. ⁴ Ghuye kutowerapo ghupingwa, ghuntungi waYakobu ogho ghaholire.

s Sela

S*

⁵ Karunga ghayenda nandjiyo Hompa naliywi lyarumbendo. ⁶ Yimba mukupandura Karunga, yimba nakupandura; yimba mukupandura kwaHompa wetu, yimba mukupandura. ⁷ Mposhi Karunga ndje Hompa palivhu napandje; yimba mukupandura nakuvikwata lighano. ⁸ Karunga kupangera dimuhoko nadintje; Karunga kushungira kushipuna shendi shakupongoka. ⁹ Vahompaghona vavantu vamapongo pamwe navantu vaKarunga vaAbrahamu; mposhi shipopelita shapalivhu kwahemana kwaKarunga; ghuye kwamupandanga ghunene.