Kwavampititi vavakurona. Marushumo ghaDaviti. ¹ Wakutungika ndjegho ghakaro nashinka navakupira nkondo; mumayuva ghamaghudito, Hompa ngamuvatera. ² Hompa ngamupopera nakumukunga namonyo,ntani ngavamutungika palivhu; hompa kapi ngamupirwira kuvighayarera vyavankore vendi. ³ Hompa ngamupa mbatero kumbete yaruhepo; ngaghutura mbete yendi yaghuvera yikare mbete yakuveruka. ⁴ Ghanighambashi,'' Hompa mfere nkenda! verura ame, mukondashii nadjona kukoye.'' ⁵ Vanankore vande kughamba vyavidona kwande, ashi, ''ruvede munke ngafa ntani lidina lyendi lidongonoke'' ⁶ Nangeshi munankore wande ghaya ghayakenge,ghuye kughambashi shininke shakudira mulyo; pakutundapo, ghuye kavitantera vaghunyendi. ⁷ Navantjevo vanyengo kwantjopanga pamweya; mumwanuke vavo kutatererashi niyuve tjutju kumutjima. ⁸ Vavo kughambashi, ''ghuvera wampepodona yamukundama nakumukwaterera, weno ngoli anarara, kapi ngarambukanka.'' ⁹ Waronka, nampiri muholi wande wamunene, ogho mwendi nahuguvalire, moghaliro mboroto yande, ghayerura ndundu dendi mukonda yande. ¹⁰ Ngoli ove, Hompa, mfere nkendame ntani nakundjerura mposhi nivhure kuvyuta mfuto davo. ¹¹ Mukonda yavino naviyiva ashi makara mumwande, ntani vanankore vande kapishi vakuvihe mumwande. ¹² Kuhamename, ove kuvatera muvirugho vyande ntani ngaghutura kughuto washiparashoye naruntje. ¹³ Ngoli Hompa, Karunga waIsraeli vamuraperere naruntje nanaruntje. Ameni ntani Ameni.