Kuvampititi vangovera. Mupumbi wavana vaKora vavakafumu. ¹ Yira shikorama shakushutura shinyampangera kuruku rwamuramba rwamema, ame kukuyuvira linota, Karunga. ² Ame linota mukonda yaKarunga, Karunga wakukarerapo, ruvede munke nganiya niyamoneke koye Karunga? ³ Maruntjodi ghande ndo ndya dande mwi namatiku, waronka vanankore yande nakughambanga kwande ashi ''Kuninko Karunga moye?'' ⁴ Vino mbyo naghayaranga mumaghano ghande pakutapa monyo wande: Weni monayendire nambunga ntani nakuvapititira kundjugho yaKarunga naliywi lyaruhafo ntani nampandu, mbunga yayingi kuna kushamberera pashilika. ⁵ Nkevyo vakutangamena, monyo wande? Nkevyo magukira name? Huguvara mwaKarunga, mposhi ngani mupanda ghuye muyogholi wande. ⁶ Karunga wande, monyo wande kwantongamenanga mumwande, mposhi ame nakukuyita ghukare shinka mushirongo shaYorodani, podino ndundughona ntatu daHerimoni, ntani kundundu yaMisa. ⁷ Kunda yamaywi kunda yamuyoyo ghamema ghenu ghakupupa; naghantje mankumpi ntani mamunkupi ghamanene naghantje kupupira kwande. ⁸ Waronka Hompa ngatapa ghunankondo maghushiri wendi pakatji kaliyuvha; pamatiku rushumo rwendi ngarukara name, ndapero kwaKarunga wande waliparu lyande. ⁹ Ngani ghamba kwaKarunga, liwelyande, ''Vinke ovyo wamvhuramena? Vinke vyo nakarera muruguvo mukonda yavighamba vyavankore yande?'' ¹⁰ Weno narufuro muvifupa vyande, vankore yande nakuntjirashi, nakughamba kwandeshi, ''Kuninko Karunga moye.'' Vinke vyo vakutongamenanga, monyo wande? ¹¹ Vinke vyo vakutongamenango, monyo wande? Nkevyo maguvira name? Huguvara mwaKarunga, mposhi nganimupandura mupopeli wande ntani Karunga wande.