¹ Lipisaromu lyaDaviti, shirugho osho atjwayukire atjire Abisaromu monendi wamukafumu. Karunga, vangapi vanakaro vanankore vande! vavayingi vanantjapukiri kunakudimbyuka. ² Vavayingi kuna kudingamba, ''kapi anakara nalipopero lyakutunda kwaKarunga.'' Shera. ³ Ngoli ove, Karunga, ghuvando wande, lifumano lyande, ove wakankurango mutwe wande. ⁴ Ame kuna kuyiyira liywi lyande kwaKarunga, ano ghuye kuna kundimburura kutundilira kundundu yendi yakupongoka. Shera ⁵ Ame nakunyongamene narara; Ame narambuka, Karunga angamena. ⁶ Ame kapi nganitjira mbunga davantu ovo vakuturo vene mukudimbyuka kumaruha naghantjeya. ⁷ Rambuka, Karunga! Mpopere, Hompa wande ove ngaghutoghona vanankore vande navantje kumpanda; ove ngaghutjoraghura mayegho ghavadona. ⁸ Liyovoko kutunda kwaKarunga. Makandayikiro ghoye akare mumbunga yoye. Shera