¹ Mukonda munke dimuhoko kuna kukununuka ntani mukonda munke vantu kuna kufanayika ovyo ngavidjonaghukopo? ² Vahompa vaghudjuni kukukongawida nakutura mpangero davo pamwe mukudivyuka Karunga nakudivyuka Mesiyasi nakughamba, ³ ''Tokwenu tuvaghure ntjako edi vatutwika ntani tundembaghure maghuketanga ghavo. ⁴ Ghuye washungiro muliwuru ngavashepa; Hompa kuvashentja. ⁵ Ntani ngaghamba kukwavo mughugarawendi nakuvatjilita mughugara wendi, nakughamba. ⁶ Ame naghumwande nawaveka kare hompa paSiyoni, ndundu yande yakupongoka.'' ⁷ Ame ngani yuvhitaghunene, ''Ove ghumonande. Liyuva lino Ame kuna kukara nivasho. ⁸ Mpure, ame ngani kupa dimuhoko ngadikare ghupingwa ghoye ntani dimukunda daghudjuni dikare limonalyoye. ⁹ Ngaghuvamyona namburo yashikuvo; yira kanyungu kalirova, ngaghuvatura muvitaghu.'' ¹⁰ Weno, anwe vahompa, karenu munaviyiva; kuwapukururenu, anwe vapangeli vaghudjuni. ¹¹ Rughanenenu Karunga mughutjirwe ntani hafenu nalikankamo. ¹² Ncumitenu mona ndipo ghugara wendi ngaghumuwane, makura ngamufere mundjira apangaghutwera ghugara wendi pakarugho nkoko. Weni varagopa navantjeya ovo vashanashanango lighupiropo mumwendi.