Lipisaromu lyaDaviti. ¹ Shitjangwa kwaHompa, Anwe vana vendi vavakafumu vaKarunga, shitjangwa kwaHompa ghuntungi naghunankondo! ² Shitjangwa kwaHompa ghuntungi walidina lyendi twapumbwa. Nyongamena palivhu kwaKarunga mughupongoki! ³ Liywi lyaHompa kuliyuvilira nampiri mumema; Karunga waghuntungi ghamaruvadi, Hompa maruvadi ghamangi musheli yamema. ⁴ Liywi lyaHompa Karunga nkondo ghunene; liywi lyaHompa lyafumana. ⁵ Liywi lyaKarunga kutjora vitondo; Karunga kutjoraghura vitondo vyamuLebanoni ghugceneghu-gcene. ⁶ Ghuye kurenka Lebanoni yivataghuke yira nkembe nandumentana. ⁷ Liywi lyaKarunga ghalitumu mundiro. ⁸ Liywi lyaHompa kukankamita mburundu; Karunga kukankamita mburundu yaKadeshi. ⁹ Liywi lyaKarunga kuyititapa maghogha ghakuhonye kumwe nakushwaghununa mutitu ghukare muporongwa. Nkehe ghuno muntembeli yendi kughamba, ''Ghuntungi!'' ¹⁰ Hompa kushingira ghuhompa kwaruhandjo; Karunga kushungira ghuhompa nanaruntje. ¹¹ Hompa kutapa nkondo kuvantu vendi; Karunga kutungika vantu vendi mumpora.