Lipisaromu lyaDaviti. ¹ koye,Hompa, ame nakulilira ghunene; liwe lyande, washa nkengererame. Nangeshi kapi ghundimbururame, ndi kunika kupakerera novo vayendo mulivhu. ² Tegherera lishagharo lyalikanderero lyande pakushana mbatero kukoye, opo niyerura maghoko ghande kuwiru oko wakarera ghupongoki ghoye wangudu! ³ Washa mpurututakumwe navantudona; ovo varughanango vyaghunandjo, ovo vaghambango mpora namaparambo ano ngoli kughayara vyavidona kumutjima davo. ⁴ Vape ovyo vyawapero kuvirughana vyavo nka vafutite ovyo washana ghudona wavo; vafutite kuvirughana vyavo vyamaghoko kumwe nakutapa ghushayero wavyo. ⁵ Mukondashi kapi vakwatanga lighano virughana vyaKarunga ndipo virughana vyamaghoko ghendi, ghuye ngava djonaghura palivhu nka kapi vavavifufurura nka. ⁶ Hompa kumutungika mukonda ghuye ghayuva mutaku walikanderero lyande! ⁷ Hompame ndo nkondo dande nashikukandulito; mutjima wande waguvara mwendi, nka ghamvhatera. Ngoli mutjima wande kumushamberera ghunene, ntani ame ngani mutanganga mukumuyimbira. ⁸ Hompa ndje nkondo davantu vendi, ghuye ndje mupopeli nakutapa ghuturo kwavo ghashororora. ⁹ Popera vantuvoye ntani ghutungike ghupingwa ghoye. Karangoli mutakamiti wavo kumwe nakuvashimba nanaruntje.