Lipisaromu lyaDaviti. ¹ mpangureme, Hompa, ngolime kwayenda naghukonentu; ame nahuguvalire mwaHompa nampiri narumweshi kapipempukanga. ² Kengurure, Hompa Karunga, ntani ntjetekeme; ntjeteke ghukenu wamunda yamutjima wande! ³ Ano ngoli likukwatakano lyaghushiri-shiri kumeho yamantjo ghande, ntani ame kuyenda mughushiri-shiri ghoye. ⁴ Ame narumweshi namponganga navantu varushongo, ndipo nikaraghure navantu vakupira ghushiri. ⁵ Ame nanyenga lipongo lyavantu vakurughana vyavidona, ame kapi natunganga navarughadona. ⁶ Ame kukukusha maghoko ghande mughunongo, kumwe nakukukundurukita altare, Hompa, ⁷ kuyimba rushumo rwakudameka rwamatangango kumwe nakurapota virughana vyoye navintje vyaviwa. ⁸ Hompa, ame nahora mundjugho ghoyo watunga, livango lyo wakarera ghuntungi ghoye! ⁹ Washa nkwerererame kumwe navakandjo, ndipo liparu lyande navantu ovo vafokulinota lyahonde, ¹⁰ mwagho maghoko mwakara ntegho, ogho maghoko gharulyo mwayuva mfuto. ¹¹ Ano ngoli kwandeko me, ame nganiyenda mughukonentu; ndjoghoreme kumwe nakumfera nkenda. ¹² Lighuru lyande lyayimana palivhu lyakuvyukilira; mumapongo ame ngani kutungika Hompa!