Lipisaromu lyaDaviti. ¹ Hompa Karunga ndje mutakamiti wande; ame kapi nganihepa nkehe vino. ² Ghuye kundenka nirare mumushoni washinamahako; ghuye kumpititirame nampiri mumema ghakupupa. ³ Ghuye kambyutira liparu lyande; ghuye kunegheda mundjira yaghuhunga kupitira mulidina lyendi. ⁴ Nampiri niyendereme mumuramba walikurundema lyamundunduma, ame kapi ngani lidjonaghuko mukonda ove name wakaranga; shitondo nampango yoye kuntjengawida. ⁵ Ove wangwapayikira ntishe kumeho yande mukatji kavanankore vande; ove wangwaveka mumutwe namaghadi; nkinda yande nakutekanga. ⁶ Mughushiri ghuwa nalikukwatakano lyaghushiri-shiri ngali nkwamame nkehe liyuva muliparu lyande; ngoli ame ngani tunga mundjugho yaHompa mughure rwamayuva ghamangi!