Kumupititili wantjumo. Lipisaromu lyaDaviti. ¹ Mpongolishi Hompa ghakuvatere mumayuva ghoye ghaghudito; Mpongolishi lidina lyaKarunga waYakobu ghakukungamene. ² Ntani tumambatero kutundilira mulivango lyakupongoka kumakwatitoko ghoye ghakutundilira muSiyoni. ³ Mpongolishi ghuye kuyiyira nashinka shavitapa vyoye ntani kutambura ndjambo yoye yamundiro.

sSela

S*

⁴ Makura ghuye ghakupe ovyo watokomena mutjima ghoye ntani kutikitamo viturapo vyoye navintje. ⁵ Makura twe ngatupembura mulifundo, ntani, mulidina lyaKarunga, atwe ngatuyerura litjangwa mposhi Hompa ngatupa marushivano ghenu naghantje. ⁶ Weno naviyiva ngoli ashi Hompa ngapopera vatungikwa vendi; ngamulimburura kutundilira muliwiru lyakupongoka nankondo dakulighoko lyendi lyarulyo lyakuvura kumupopera. ⁷ Vamwe kwahuguvara mutukara ntani vamwe mutukambe ngoli atwe kuyita kwaHompa Karunga wetu. ⁸ Vavo ngavava yita vaghurumuke nakuwa ngoli atwe ngatu shapuka nakuyimana ndjikiti! ⁹ Karunga, popera hompa; tuvatere opo tuna kukukuya.